Գույքը պետությանն օտարվել է շուկայականից 3 անգամ թանկ գնով. Քրգործ կա 3 հոկտեմբերի 2019 - 11:56 AMT PanARMENIAN.Net - ՀՀ գլխավոր դատախազության պետական շահերի պաշտպանության վարչությունում ուսումնասիրվել է ՀՀ աշխատանքի և սոցիալական հարցերի նախարարությունից ստացված՝ Երևանի Մալաթիա-Սեբաստիա վարչական շրջանի Ծիծեռնակաբերդի խճուղու1/2 շենք, N 296 հասցեում գտնվող 1719.96 ք/մ մակերեսով հասարակական նշանակության տարածքը և դրան հարակից 0.1030 հեկտար չկառուցապատված հողամասը 2017թ. պետությանն օտարելու վերաբերյալ փաստաթղթղերը: Ուսումնասիրության լիարժեքությունն ապահովելու նպատակով վերաբերելի տեղեկատվություն և փաստաթղթեր են պահանջվել և ստացվել նաև ՀՀ պետականգույքի կառավարման կոմիտեից, ՀՀ կադաստրի կոմիտեից և «Հայաստանի ազգայինարխիվ» ՊՈԱԿ-ից: Ուսումնասիրությամբ պարզվել է, որ Երևան քաղաքի Կենտրոն վարչական շրջանում համալիր սոցիալական ծառայության տարածքային կենտրոն ստեղծելու համար ՀՀ կառավարության 09.11.2017թ. որոշմամբ՝ ՀՀ ԿԱ պետական գույքի կառավարմանվարչության և «Դ...» ՍՊԸ-ի միջև կնքվել է հրաժարագնի պայմանագիր: Դրանով 2015թ. սեպտեմբերին տրամադրված բյուջետային վարկային պարտավորության մասնակի մարման դիմաց ընկերությանը սեփականության իրավունքով պատկանող վերոնշյալ հասարակական նշանակության տարածքը և դրան հարակից չկառուցապատված հողամասն օտարվել են պետությանը՝ 2017թ. նոյեմբերի դրությամբ 1.240.423.000դրամ գնահատված շուկայական արժեքով, որն ամրակցվել է «ՀՀ աշխատանքի և սոցիալական հարցերի նախարարության աշխատակազմ» պետական կառավարչական հիմնարկին, հայտնում է դատախազության մամուլի ծառայությունը: Պարզվել է, որ ՀՀ կառավարության նշված որոշման ընդունման և վերը նշված գույքի գնի սահմանման համար հիմք է հանդիսացել «Պետական գույքի գույքագրման և գնահատման գործակալություն» ՊՈԱԿ-ի գնահատողի կողմից կազմված և գլխավորտնօրենի կողմից հաստատված շուկայական արժեքի գնահատման հաշվետվությունը: Հատկանշական է, որ նշված հաշվետվությունը ներկայացվել է ՀՀ կառավարությանորոշումն ընդունվելուց ընդամնեը մեկ օր առաջ։ Ընդ որում՝ ՀՀ աշխատանքի ևսոցիալական հարցերի նախարարությունից ստացված տվյալների համաձայն՝ 2019թ.ապրիլի 25-ից 26-ը Համաշխարհային բանկի ծրագրի իրականացման օժանդակության առաքելության ընթացքում՝ ՀԲ թիմը վերոնշյալ տարածքը համալիր սոցիալական ծառայության տարածքային կենտրոն ստեղծելու համար նպատահարմար չի համարել։ Նախարարության պատվերով 2019թ. իրականացվել է նշված գույքի շուկայական արժեքի գնահատում, որի վերաբերյալ հաշվետվության համաձայն տարածքի և դրանհարակից չկառուցապատված հողամասի շուկայական արժեքը կազմում է ընդամենը321.700.000 դրամ, այսինքն պետությանն օտարված արժեքից 918.723.000 դրամ պակաս։ Ավելին, ՀՀ կադաստրի կոմիտեից ստացված տվյալների համաձայն՝ 2017թ.հունվար-դեկտեմբեր ամիսների ընթացքում նշված շենքում գտնվող 1-ին հարկի կամնկուղային այլ տարածքներ օտարվել են 1 ք/մ-ն ընդամենը 162.000-իցառավելագույնը մինչև 217.000 ՀՀ դրամ գնով: Մինչդեռ նշված հասարակական նշանակության տարածքը, որի հարկայնությունը կադաստրի տվյալներով նշված է նկուղային, 2017թ. նոյեմբեր ամսին պետության կարիքների համար օտարվել է 1ք/մ-ն մոտ 600.000 դրամով։ Նշված փաստերը վկայում են, որ «Պետական գույքի գույքագրման և գնահատման գործակալություն» ՊՈԱԿ-ի կողմից տրված շուկայական արժեքի գնահատման հաշվետվության տվյալները իրականությանը չեն համապատասխանում։ «Հայաստանի ազգային արխիվ» ՊՈԱԿ-ից ստացված տվյալների համաձայն՝ ՀՀ կառավարության 09.11.2017թ. որոշման նախագիծը, որով կատարվել է օտարումը,ՀՀ կառավարություն է ներկայացվել ՀՀ ԿԱ պետական գույքի կառավարմանվարչության կողմից: Այսպիսով, 2017թ.-ին «Պետական գույքի գույքագրման և գնահատման գործակալություն» ՊՈԱԿ-ի պատասխանատու պաշտոնատար անձի կողմից, պաշտոնեական դիրքը ծառայության շահերին հակառակ օգտագործելով, հաստատվել էիրականությանը չհամապատասխանող, կեղծ փաստաթուղթ՝ շուկայական արժեքի գնահատման հաշվետվություն: Դրա հիման վրա ՀՀ կառավարությանն առընթեր պետական գույքի կառավարման վարչության պատասխանատու պաշտոնատար անձանցկողմից, պաշտոնեական դիրքը չարաշահելով, ՀՀ կառավարության քննարկմանն եններկայացվել անարժանահավատ տվյալներ: Արդյունքում շուրջ 321.700.000 դրամշուկայական արժեք ունեցող անշարժ գույքը, իբր պետական կարիքների համար,պետությանն օտարվել է 1.240.423.000 դրամ պարտավորության դիմաց, այսինքնշուկայական գնից շուրջ երեք անգամ ավելի գնով՝ պետության համար առաջացնելովծանր հետևանքներ։ Նկատի ունենալով, որ ուսումնասիրությամբ ի հայտ են բերվել առերևույթ հանցագործության հատկանիշներ պարունակող փաստական հանգամանքներ՝ ՀՀ գլխավոր դատախազության պետական շահերի պաշտպանության վարչությունում հարուցվել է քրեական գործ՝ ՀՀ քրեական օրենսգրքի 308-րդ հոդվածի 2-րդ մասով և 314 հոդվածի 1-ին մասով: Նախաքննության կատարումը հանձնարարվել է ՀՀ քննչական կոմիտեին: Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեականդատավարության օրենսգրքով սահմանված կարգոd դատարանի` օրինական ուժի մեջմտած դատավճռով: Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Վրաստան այցելողների կյանքի և առողջության պարտադիր ապահովագրությունը կգործի 2026–ի հունվարի 1-ից Դեսպանությունը պարզաբանում է ստացել Վրաստանի ԱԳՆ–ից ՀՀ Ֆինանսների նախարարն ու Հնդկաստանի դեսպանը գործակցությունն ընդլայնելու պատրաստակամություն են հայտնել Կողմերն անդրադարձել են այն հիմնական ոլորտներին, որոնց ուղղությամբ նախատեսվում է զարգացնել Պուտինը հեռախոսազրույց է ունեցել Փաշինյանի հետ և շնորհավորական ուղերձ հղել․ Կողմ ենք, որ հարաբերությունները շարունակեն զարգանալ ՌԴ նախագահը Փաշինյանին շնորհավորել է ծննդյան օրվա առիթով Բագրատ սրբազանի գլխավորած շարժման կողմնակիցներն ավտոերթով ուղևորվել են Գյումրի «Գնում ենք Գյումրի, երեխաներին այցելենք, հետո էլ հանրահավաք ունենք»,–ասել է նա |