Երեւանում կանցնի առաջին ռուսական արդյունաբերական «Expo-Russia Armenia» ցուցահանդեսը27 հոկտեմբերի 2008 - 16:47 AMT PanARMENIAN.Net - 2008 թվականի հոկտեմբերի 31-ից նոյեմբերի 2-ը ՀՀ Կառավարության նիստերի դահլիճում տեղի կունենա առաջին ռուսական արդյունաբերական «Expo-Russia Armenia» ցուցահանդեսը: Ցուցահանդեսի կազմակերպիչներն են` «Զառուբեժ-Էքսպո» ԲԲԸ-ն եւ «Մուլտի գրուպ» կոնցեռնը: Ինչպես PanARMENIAN.Net ին են հաղորդել «Զառուբեժ-Էքսպո» ընկերությունում, «Expo-Russia»-ն հանդիսանում է 2008թ. ապրիլի 30-ից մինչեւ մայիսի 3-ը Ծաղկաձորում կայացած հայ-ռուսական գործարար համաժողովի տրամաբանական շարունակությունը: Երկու նախագծերի նպատակն է տնտեսական, մշակութային, քաղաքական, գիտա-տեխնիկական համագործակցության զարգացումը Ռուսաստանի Դաշնության եւ Հայաստանի Հանրապետության միջեւ, կապերի հաստատումն ու զարգացումը երկրների միջեւ, համատեղ բիզնեսի, առեւտրատնտեսական եւ ներդրումային հարաբերությունների զարգացումը: «Զառուբեժ-Էքսպո» ԲԲԸ-ի Տնօրենների խորհրդի նախագահ Դավիդ Վարդանովը համոզված է, որ «Expo-Russia» առաջին ռուսական արդյունաբերական ցուցահանդեսը Հայաստանում հսկայական դեր կունենա երկու երկրների միջեւ առեւտրատնտեսական կապերի զարգացման համար, կդառնա լավագույն գործարար հարթակը: Ցուցահանդեսը կկազմակերպվի մի քանի թեմատիկ բաժիններով, այդ թվում` մեքենաշինություն, շինարարություն, տրանսպորտ եւ լոգիստիկա, երկրաբանություն եւ լեռնահանքային արդյունաբերություն, էներգետիկա, մետալուրգիա, հեռահաղորդակցություններ եւ կապ, բժշկություն եւ առողջապահություն, գյուղատնտեսություն եւ սննդամթերք, ինովացիաներ եւ ներդրումներ, տեղեկատվական տեխնոլոգիաներ, քիմիական արդյունաբերություն, կրթություն, ոսկերչություն: «Մենք հուսով ենք, որ այս նախագիծը շատ ակտուալ, պահանջված ու հաջող կլինի: Ավելին, մենք համոզված ենք, որ այն ամենամյա կդառնա»,-ասել է Դ.Վարդանովը: «Expo-Russia»-ին կմասնակցեն ավելի քան 50 ռուսական ընկերություններ Ռուսաստանի տարբեր քաղաքներից` Մոսկվայից, Մոսկվայի մարզից, Սանքտ Պետերբուրգից, Դոնի Ռոստովից, Չելյաբինսկից, Վորոնեժից, Վոլգոգրադից, Մագնիտոգորսկից, Իվանովոից, Կուրսկից, Սամարայից, Եկատերինբուրգից, Յարոսլավլից, Սմոլենսկից, Նովոսիբիրսկից, Նիժնի Նովգորոդից, Կրասնոյարսկից, Աստրախանից եւ այլն: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Բագրատ սրբազան․ Բաքվի հետ բանակցությունները պետք է լինեն երաշխավորների առկայությամբ, լավագույն հարթակը ՄԽ–ն է «Մենք իրական բանակցությունների կողմնակից ենք, ոչ թե պարտադրանքների, ուժի սպառնալիքի»,–ասել է նա Դեբեդ, Աղստև գետերի ավազաններում և Սևանի հարավային ափում ջրի ելքերի կմեծանան Սևանում տեղատարափ անձրև է Բայդենը հայտարարել է Կիևին $225 մլն-ի ռազմական օգնություն հատկացնելու մասին Նա ներողություն է խնդրել տարեսկզբին Կոնգրեսում Կիևին ամերիկյան օգնության փաթեթի ընդունման ձգձգման համա Ֆրանսիացի ճարտարապետի Կասկադի ավարտուն տեսքի հայեցակարգային առաջարկը քննարկվել է քաղշին խորհրդում Ներկայացվել է նաև հայեցակարգի վերաբերյալ տեսանյութ |