 BBC-ի ռուսական ծառայություն. Ինչու ԱՄՆ-ն ճանաչեց Հայոց ցեղասպանությունը 30 հոկտեմբերի 2019 - 11:35 AMT PanARMENIAN.Net - ԱՄՆ Ներկայացուցիչների պալատը հոկտեմբերի 29-ին բանաձև է ընդունել, որով ցեղասպանություն է ճանաչում հայերի 1915-ի կոտորածը, գրում է BBC-ի ռուսական ծառայությունը՝ նշելով, որ մինչ այդ Վաշինգտոնում Թուրքիայի դեսպանը զգուշացրել էր, որ դա կթունավորի քաղաքական մթնոլորտը Թուրքիայի և ԱՄՆ միջև: Ինչպես գրում է պարբերականը բրիտանական Conciliation Resources կազմակերպության Հարավային Կովկասի գծով փորձագետ և Կովկասի ծրագրերի տնօրեն Լոուրենս Բրոերսի վրա հղումով, Ամերիկայի կողմից Հայոց ցեղասպանության ճանաչումը հսկայական խորհրդանշական նշանակություն ունի, սակայն, անմիջական ազդեցություն չի ունենա Պետդեպարտամենտի և ԱՄՆ դիվանագետների դիրքորոշման վրա: Նա նշել է նաև, որ եթե նախկինում ցեղասպանության ճանաչումը ստորադասվում էր Թուրքիայի հարցում արտաքին քաղաքականության նկատառումներին, ապա այժմ Ներկայացուցիչների պալատը քվեարկել է բանաձևի օգտին՝ նույն այդ նկատառումներից ելնելով: «Սակայն, ԱՄՆ-ի կողմից Ցեղասպանության ճանաչումը չի մոտեցնում վերջնանպատակին՝ Թուրքիայի պատրաստակամությանը քննադատաբար մոտենալու սեփական պատմությանը: Իսկ այսօրվա աշխարհաքաղաքական ենթատեքստում բանաձևի ընդունումը կարող է դիտարկվել որպես Թուրքիային պատժելու փորձ»,-ասել է փորձագետը: Իր հերթին BBC-ի թուրքական ծառայության լրագրող Իրեմ Քոքերը նշել է, որ «Թուրքիայի հանդեպ աճող թշնամանքն ԱՄՆ Կոնգրեսում սկսվեց դրսևորվել Սիրիա թուրքերի ներխուժումից հետո, որն ուղղված էր քրդերի դեմ»: Պարբերականը նաև նշում է, որ Անկարան չափազանց բացասաբար է արձագանքում Ցեղասպանության ճանաչմանը: Քվեարկության նախաշեմին ԱՄՆ-ում Թուրքիայի դեսպան Սերդար Ղըլիչը կոչ էր արել կոնգրեսականներին հրաժարվել բանաձևն ընդունելու մտադրությունից և սպառնալիքի տակ չդնել Թուրքիայի և ԱՄՆ գործընկերությունը, որոնք կապված են ռազմական դաշինքով ՆԱՏՕ-ի շրջանակում: Քոքերը կարծում է, որ իրականում այդ բանաձևի ընդունումը հազիվ թե էական ազդեցություն ունենա երկկողմ հարաբերությունների վրա: Վաշինգտոնում Մերձավոր Արևելքի ինստիտուտի գիտաշխատող Գյունեյ Յիլդիզը նաև հայտարարել էր, որ ԱՄՆ և Թուրքիայի հարաբերությունները հազիվ թե շատ վատթարանան քվեարկության պատճառով, քանի որ առանց այդ էլ այնքան ցածր մակարդակում են, որ Ցեղասպանության ճանաչումը միայն կդանդաղեցնի դրանց վերականգնումը: «Ամերիկյան զորքերի դուրսբերումը Սիրիայից մի մեծ նվեր էր Էրդողանին, սակայն նույնիսկ դա չնպաստեց ԱՄՆ և Թուրքիայի հարաբերությունների բարելավմանը,-ասել է Յիլդիզը: ԱՄՆ Կոնգրեսի ստորին՝ Ներկայացուցիչների պալատն ընդունել է Հայոց ցեղասպանությունը ճանաչող բանաձևը։ Թիվ 296 բանաձևն ընդունվել է 405 «կողմ» և 11 «դեմ» ձայներով։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Սյուժե Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
