Ընտանիքի 7 անդամ շմոլ գազից թունավորվել են, նրանց կյանքին վտանգ չի սպառնում

19 նոյեմբերի 2019 - 16:20 AMT

PanARMENIAN.Net - Երևանում նոյեմբերի 18-ին շմոլ գազով թունավորման դեպք է տեղի ունեցել, բժիշկներին հաջողվել է փրկել ընտանիքի 7 անդամի, նրանց կյանքին վտանգ չի սպառնում:

«Էրեբունի» բժշկական կենտրոնից ոստիկանության կենտրոնական բաժին ահազանգ է ստացվել, որ Երևանի շտապօգնության բժիշկների հերթապահ խումբը Թումանյան փողոցի 27 շենքի բնակարաններից մեկից «շմոլ գազով թունավորում հարցականով» ախտորոշմամբ իրենց մոտ է տեղափոխել մի քանի քաղաքացու, հաղորրդում է Shamshyan.com-ը:

Ոստիկանները պարզել են, որ տեղափոխվածներն են՝ 75-ամյա Սուսաննա Ն.-ն, 77-ամյա Ալբերտ Տ.-ն։ Այդ ընթացքում «Մուրացան», բժշկական կենտրոնից ահազանգ է ստացվել, որ նույն հասցեից նույն ախտորոշմամբ իրենց մոտ է տեղափոխել բնակիչ, 1-ամյա Կարինե Ա.-ին, ժամեր անց «Արմենիա» բժշկական կենտրոնից ոստիկանության կենտրոնական բաժին ահազանգ է ստացվել, որ նույն հասցեից նույն ախտորոշմամբ իրենց մոտ են տեղափոխել 24-ամյա Սյուզաննա Ա.-ին, 28-ամյա Ռուզաննա Ա.-ին, 23-ամյա Ռաֆայել Տ.-ին, իսկ «Մուրացան» բժշկական կենտրոն է տեղափոխվել 29-ամյա Ռիմա Տ.-ն:

Հղումներ թեմայով.

Shamshyan.com. Արտակարգ դեպք Երևանում. շնորհիվ Երևանի 1-03 շտապօգնության և «Էրեբունի», «Մուրացան», «Արմենիա» բժշկական կենտրոնների բժիշկների՝ հնարավոր է եղել մի ամբողջ ընտանիք փրկել