Ռոման Բերեզովսկին՝ «Սոչիի» գլխավոր մարզչի պաշտոնակատար

PanARMENIAN.Net - ՌԴ «Սոչի» ֆուտբոլային ակումբի գլխավոր մարզիչ Ալեքսանդր Տոչիլինը հրաժարական է տվել: Ակումբի գլխավոր մարզչի պաշտոնակատար է նշանակվել Հայաստանի հավաքականի բազմամյա դարպասապահ Ռոման Բերեզովսկին:

Նա կգլխավորի ակումբը մինչև ձմեռային խաղաշրջանի ավարտը, հայտնում է «Սպորտ Էքսպրեսը»:

Տոչիլինը «Սոչիում» աշխատում էր 2018-ից: Նրան հաջողվեց դուրս բերել ակումբը երկրորդ դիվիզիոնից:

Ռոման Բերեզովսկին 19 տարի շարունակ եղել է Հայաստանի ազգային հավաքականի հիմնական դարպասապահը՝ խաղադաշտում անցկացնելով 93 հանդիպում: Այդ ցուցանիշով Բերեզովսկին զիջում է միայն Սարգիս Հովսեփյանին (132 խաղ):Ազգային հավաքականի կազմում մասնակցել է Եվրոպայի առաջնության չորս ( 2000, 2004, 2008, 2012) և աշխարհի առաջնության հինգ (1998, 2002, 2006, 2010, 2014) ընտրական փուլերին։ Անցկացրած խաղերի քանակով Հայաստանի հավաքականի դարպասապահների ռեկորդակիրն է (71 խաղ)։2016-ի մարտի 25-ին տեղի է ունեցել Բերեզովսկու հրաժեշտի խաղը հավաքականում: