Մահացած զինծառայողի հարազատներն ԱԺ առջև պահանջում են պարզել դեպքի մանրամասները 4 դեկտեմբերի 2019 - 15:08 AMT PanARMENIAN.Net - Դեկտեմբերի 2-ին դեռևս չպարզված հանգամանքներում մահացած ՊԲ զինծառայող Արթուր Աջամյանի հարազատներն ԱԺ առջև պահանջում են պարզել դեպքի մանրամասները: Նրանք հայտարարում են՝ եթե քննություն է ընթանում, ինչո՞ւ են ինքնասպանության վարկածն առաջ քաշում, հայտնում է pastinfo.am-ը: Դեկտեմբերի 2-ին՝ ժամը 06:50-ի սահմանում, ՊԲ հյուսիս-արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 1998թ. ծնված Արթուր Իշխանի Աջամյանը, իսկ զինծառայող, 1999թ. ծնված Դավիթ Հարությունի Մելիքբեկյանը վիրավորվել է: Քննչական կոմիտեն դեպքի առթիվ քրեական գործ է հարուցել երկու և ավելի անձի նկատմամբ սպանության փորձի հատկանիշներով՝ ՀՀ քրեական օրենսգրքի 34-104-րդ հոդվածի 2-րդ մասի 1-ին կետով։ Մահացած զինծառայողի հարազատներին է մոտեցել Մարդու իրավունքների պաշտպանության և հանրային հարցերի մշտական հանձնաժողովի նախագահ Նաիրա Զոհրաբյանը՝ հավաստիացնելով, որ բողոլ մեղավորները ենթարկվելու են պատասխանատվության։ Նրանք պահանջել են հանդիպում ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանի հետ և Զոհրաբյանը դա փոխանցել է Քոչարյանին, ինչից քիչ անց նա ևս մոտեցել է ցուցարարներին։ «Ես կարող եմ Ձեզ մի բան խոստանալ՝ մեր հանձնաժողովը, համարեք այս պահից ճշմարտության բացահայտման հարցում ձեր կողքին կանգնած է։ Ահավոր բան է, որ բանակում տեղի են ունենում նմանատիպ հանցագործություններ, ՝ սպանություն, ինքնասպանություն, դա երեկ չծնվեց, տարիների կուտակված երևույթներն են»,-հայտարարել է Անդրանիկ Քոչարյանը: Մահացածի հորեղբայրը հայտարարել է, որ եթե ճշմարտությունը չբացահայտվի, զինվորի մարմինը կբերենք հենց շենքի մոտ։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Կոլումբիան խզում է հարաբերություններն Իսրայելի հետ Գազայի հատվածի շրջափակումը այդ երկրի նախագահը «ցեղասպանություն» է անվանել ՀՀ և Ուկրաինայի ԱԳ նախարարները հեռախոսազրույցում անդրադարձել են տարածաշրջանային հարցերի Միրզոյանն ընդգծել է սահմանազատման գործընթացում տարածքային ամբողջականության սկզբունքի անվերապահ հարգման կարևորությունը ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները Առողջապահության նախարարին պաշտոնից ազատելու լուրերը հերքվել են Ավելի վաղ խուզարկություններ են իրականացվել առողջապահության նախարարությունում և բուժհաստատություններից մեկում |