Արցախի ԱԳՆ. Ադրբեջանում հայերի հանդեպ հանցագործությունները պետմակարդակով են խրախուսվում13 հունվարի 2020 - 17:42 AMT PanARMENIAN.Net - Հայերի հանդեպ ատելության արմատավորումը և այդ հիմքով հանցագործությունների խրախուսումն Ադրբեջանում բարձրացվել են պետական քաղաքականության մակարդակի: Բաքվի ջարդերի 30-րդ տարելիցի կապացությամբ այդ մասին հայտարարել է Արցախի արտաքին գործերի նախարարությունը: Ուղերձում նշվում է, որ Ադրբեջանում հայերի հանդեպ ատելության խնդիրը հասել է այնպիսի ծավալների, որ դարձել է տարածաշրջանային կայունության և անվտանգության դեմ ուղղված սպառնալիքների հիմնական աղբյուրներից մեկը։ «Հայերի հանդեպ ատելության բազմամյա քարոզչության պատճառով ի հայտ եկած բացասական երևույթներն արամատախիլ անելու գործընթացում կարևոր քայլ կարող է դառնալ ադրբեջանական իշխանությունների կողմից պատասխանատվության ստանձնումը՝ հայկական բնակչության նկատմամբ իրականացված զանգվածային հանցագործությունների, այդ թվում՝ Բաքվի ջարդերի համար։ Դա ոչ միայն թույլ կտա առողջացնել իրավիճակն Ադրբեջանում, այլև հնարավորություն կտա նախադրյալներ ստեղծել տարածաշրջանում ամուր խաղաղության հաստատման համար»,- ասված է Արցախի ԱԳՆ-ի հաղորդագրությունում։ ԱԳՆ-ն դատապարտում է ադրբեջանական իշխանությունների ցեղասպան գործողությունների շարունակական ժխտումը և դրանք իրականացնողների հերոսացումը, «ինչը դարձել է Բաքվի՝ քսենոֆոբիայի և հայատյացության քարոզչության քաղաքականության բաղկացուցիչ մասը»։ 30 տարի առաջ՝ 1990-ի հունվարի 13-ին, Ադրբեջանի մայրաքաղաք Բաքվում սկսվեցին բնիկ հայ բնակչության զանգվածային ջարդերը։ Ոչ պաշտոնական տվյալներով՝ դրանց ընթացքում սպանվել է մոտ 400 հայ, ԽՍՀՄ իշխանությունը, սակայն, միայն 25 զոհի մասին տվյալներ էր հրապարակել։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ «Մեկնարկի՛ր». Կրթական հարթակ՝ ստարտափ ստեղծող երիտասարդների համար Ավագ դպրոցի աշակերտուհին որոշել է Վանաձորում թեմատիկ քվեսթ (quest) սենյակներ ստեղծել |