Արթուր Բաղդասարյան. Իրանը կարեւոր եւ անփոխարինելի դեր է խաղում տարածաշրջանային խնդիրների լուծման գործում25 նոյեմբերի 2008 - 19:35 AMT PanARMENIAN.Net - Իրանի խորհրդարանի խոսնակ Ալի Լարիջանին հանդիպել է Հայաստանի Ազգային անվտանգության խորհրդի քարտուղար Արթուր Բաղդասարյանի հետ, որն այցով գտնվում է Թեհրանում: Լարիջանին գոհունակություն է հայտնել հայ-իրանական հարաբերությունների ներկա դրությամբ` ընդգծելով, որ դրանք խորը արմատներ ունեն: «Հայ-իրանական հարաբերություններն արմատներով գնում են դեպի հինավուրց պատմությունը, շատ ընդհանրություններ ունեն եւ հիմնված են երկու ազգերի միջեւ ամուր կապերի վրա»,- ասել է Լարիջանին` ավելացնելով, որ բարիդրացիական հարաբերությունները գլխավոր գործոն են հանդիսանում տարածաշրջանային խաղաղության եւ կայունության համար:ՀՀ Անվտանգության խորհրդի քարտուղար Արթուր Բաղդասարյանն իր հերթին նշել է, որ Հայաստանի եւ Իրանի միջեւ հարաբերությունները մարտավարական են: «Մեր կապերի ընդլայնումը քաղաքականության, տնտեսության, բիզնեսի եւ հաղորդակցությունների ոլորտներում հանդիսանում է Հայաստանի արտաքին քաղաքականության առաջնություններից մեկը»,- ասել է Բաղդասարյանը` նշելով նաեւ հարաբերությունների զարգացման դրական դինամիկան երկաթուղային տրանսպորտի, էներգետիկայի եւ ճանապարհների վերակառուցման ոլորտներում: ՀՀ Անվտանգության խորհրդի քարտուղարը համաձայնել է Լարիջանիի հետ, որ երկու երկրների խորհրդարանները կարեւոր դեր են խաղում բարեկամության տարբեր հանձնաժողովների եւ խորհրդարանական խմբերի շրջանակներում համագործակցության մակարդակի բարձրացման հարցում: Արթուր Բաղդասարյանը հատկապես նշել է Իրանի կարեւոր եւ անփոխարինելի դերը տարածաշրջանային խնդիրների լուծման գործում, հաղորդում է իրանական IRNA գործակալությունը: Ուշագրավ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական | Փաշինյանն ու Ֆրանսիայի նախկին վարչապետը խոսել են ՀՀ և Ադրբեջանի միջև խաղաղության պայմանագրից և սահմանազատումից Երևանում մեկնարկում է Ռաֆարենի նախաձեռնած «Խաղաղության շրջիկ համալսարանի» վերապատրաստման դասընթացը ԳՇ պետն ու Ֆրանսիայի ցամաքային զորքերի հրամանատարը քննարկել են գործակցության զարգացումը Ձեռք են բերվել պայմանավորվածություններ Սոկուրովը մագիստրոսական դասընթաց կվարի Երևանի թատրոնի և կինոյի ինստիտուտում Բուհում արվեստանոց ունենալու առաջարկը նա ստացել է ռեկտորից ՀՀ-ն և ԱՄՆ-ն մաքսային մարմինների փոխադարձ օգնության վերաբերյալ համաձայնագիր են ստորագրել Փաստաթուղթը ստորագրվել է Միրզոյանի և Օ՝Բրայենի ներկայությամբ |