Մարուքյան. Նախագահը կարող էր չստորագրել հանրաքվեն ապրիլի 5-ին նշանակելու հրամանագիրը 10 փետրվարի 2020 - 12:15 AMT PanARMENIAN.Net - Սահմանադրության փոփոխության նախագիծը հանրաքվեի դնելու վերաբերյալ Ազգային ժողովի որոշումն ընդունվել է օրենքի խախտմամբ, հայտարարել է ԱԺ «Լուսավոր Հայաստան» խմբակցության ղեկավար Էդմոն Մարուքյանը: Փետրվարի 10-ին Հանրապետության նախագահ Արմեն Սարգսյանը ստորագրել է Սահմանադրության փոփոխությունների հանրաքվեն ապրիլի 5-ին նշանակելու հրամանագիրը։ Ըստ Մարուքյանի՝ այդ խախտումների հիմքով ՀՀ նախագահ Արմեն Սարգսյանը կարող էր չստորագրել հանրաքվեն ապրիլի 5-ին նշանակելու հրամանագիրը և դիմել ՍԴ՝ ըստ Սահմանադրության 168-րդ և 169-րդ հոդվածների։ Նրա խոսքով՝ Սահմանադրության փոփոխությունների նախագծի քննարկման կարգում խախտում կար, քանի որ բացակայում էր ԱԺ պետաիրավական հանձնաժողովի եզրակացությունը։ «Կանոնակարգի 79-րդ հոդվածի 7-րդ մասը սահմանում է, որ եթե քվեարկության արդյունքով Ազգային ժողովի որոշումն ընդունվում է, ապա նախագիծը համարվում է ընդունված առաջին ընթերցմամբ, իսկ որոշումը չընդունվելու դեպքում նախագիծը շրջանառությունից հանվում է: Քննարկվող դեպքում առաջին ընթերցմամբ Սահմանադրության փոփոխությունները չեն ընդունվել։ Արդյունքում նախագիծը շրջանառությունից պետք է հանվեր»,- գրել է Մարուքյանը: Նրա խոսքով՝ որոշման նախագծում նաև բովանդակային թերություններ կային: «9 դատավորից միանգամից 7-ին պաշտոնազրկելը կառաջացնի մի իրավիճակ, երբ փաստացի Սահմանադրական դատարան Հայաստանի Հանրապետությունում գոյություն չի ունենա, ինչն անթույլատրելի է սահմանադրական կարգի և անվտանգության տեսանկյունից։ Այս դեպքում մենք իրոք կբախվենք սահմանադրական ճգնաժամի հետ»,- հայտարարել է «Լուսավոր Հայաստան» խմբակցության ղեկավարը։ Մարուքյանը նշել է նաև, որ հանրաքվեի դրվող փոփոխությունը խտրականություն է ՍԴ-ի նախագահի, 6 դատավորի և մնացյալ 2 դատավորի միջև՝ առանց որևէ օբյեկտիվ հիմքի և իրավաչափ նպատակի։ Փետրվարի 6-ին «Իմ քայլը» խմբակցությունն ԱԺ-ում անցկացրել է Սահմանադրության փոփոխությունների նախագիծը հանրաքվեի դնելու որոշումը։ «Լուսավոր Հայաստանը» դեմ է քվեարկել նախագծին, ԲՀԿ-ն չի մասնակցել քվեարկությանը։ ՍԴ դատավորները չեն մեկնաբանել ԱԺ քվեարկությունը։ Մինչ նախագծերի ընդունումը՝ ԵԽԽՎ համազեկուցողները հորդորել էին ՀՀ իշխանությանը շտապ կարգով ճշտել Վենետիկի հանձնաժողովի կարծիքն օրենսդրական նախաձեռնությունների վերաբերյալ։   Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ   Ամենաընթերցվողը բաժնում |  Վերջին լուրեր Հենաշարժողական խնդիրներով անձանց համար Երևանի 9 հասցեում հատուկ վերելակներ կտեղադրվեն  Մայրաքաղաքում նախատեսվում է կառուցել մոտ 500 թեքահարթակՌյաբկով․ ՌԴ-ին արևմտյան զենքերով հարվածելու դեպքում հետևանքները կարող են ճակատագրական լինել Նա կոչ է արել ԱՄՆ–ին չթերագնահատել այն պատասխանի լրջությունը, որը կարող են ստանալԱռաջին անգամ հասանելի են ակնթարթային փոխանցումներ СБП-ի միջոցով ՌԴ 190 բանկից ՀՀ Փոխանցումները կատարվում են 0% միջնորդավճարովԱԳՆ շենքի մոտից բերման ենթարկված 27 քաղաքացին ազատ է արձակվել Քննչական կոմիտեն նրանց կասկածում էր առևերույթ զանգվածային անկարգությունների մասնակցելու մեջ |
