Տնտեսական վնասից մինչև բնակչության առողջություն. Հակածխախոտային օրենքն ԱԺ-ում է13 փետրվարի 2020 - 13:52 AMT PanARMENIAN.Net - Առողջ քաղաքացին ավելի շատ տնտեսական արժեք է ստեղծում, քան ծխախոտից եկած եկամուտը, որից մի մեծ հատված ուղղվում է դրանից վնասված քաղաքացիների առողջությանը: Այդ մասին «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքի նախագծի քննարկամն ժամանակ հայտարարել է «Իմ քայլից» պատգամավոր Արսեն Ջուլֆալակյանը: «Ծխախոտը բերաններումս, ալհոկոլը ձեռնքերումս՝ մաղթում ենք մեր երեխաներին երկար տարիների կյանք՝ միաժամանակ վնասելով նրանց առողությունը: Չեմ ուզում հավատալ, թե կա ծնող, որը կցանականա, որ իր երեխան դառնա ծխող: Ինչպես ասում է մեր գործընկեր Մանե Թանդիլյանը՝ «երեխայի մոտ կոգնիտիվ դիսոնանս է առաջանում, երբ տեսնում է, որ ծնողը, ծխախոտը բերանին, խորհուրդ է տալիս չծխել»,- ասել է պատգամավորը: Ջուլֆալակյանի խոսքով՝ պետությունը պիտի կրթի, դաստիարակի, որոշ դեպքերում էլ արգելի արատավոր երևույթները: «Վստահ եմ՝ մենք ճիշտ ճանապահին ենք և պետք չէ առաջ քաշել այն հանգամանքը, որ սա տնտեսությանը վնաս կհասցնի: Կոչ եմ անում, որ կողմ քվեարկենք օրենքին», - հայտարարել է Ջուլֆալակյանը: Օրինագծին դեմ քվեարկելու կոչ է արել «Լուսավոր Հայաստան» խմբակցության պատգամավոր Գուրգեն Բաղդասարյանը: «Առողջապահության նախարարությունը օրենք է արտագրել Ավստրալիայից, որ տուփերը պետք է սպիտակ լինեն, բայց հաշվի չի առել, որ այնտեղ տեղական ընկերությունը չի գրավում շուկայի 50%-ից ավելին: Այսինքն՝ մենք հիմա ի՞նչ մեսիջ ենք ուղարկում «Գրանդ Տոբակոյին» և «Սիգարոնին», ասում ենք՝ ձեզ 3 տարի հետո մրցակցությունից դուրս ենք հանելու տրանսազգային կորպորացիաների հետ: Անո՞ւմ է այսպսի բան ԱՄՆ-ն «Ֆիլիպ Մորիսի» հանդեպ, կամ Գերմանիան՝ «Դավիդովի»: Չեմ կարծում, թե թիվ 1 հարկատուի հանդեպ ճիշտ վերաբերմունք է,- ասել է պատգամավորը: Նրա խոսքով անհրաժեշտ է արտադրողին ԵԱՏՄ շուկան գրավելու հնարավորություն տալ: «Բարգավաճ Հայաստան» խմբակցությունից Միքայել Մելքումյանն էլ նշել է, որ օրենքի ընդունմամբ նոր մշակույթ է գալու, սակայն առաջարկել է անդրադառնալ նաև մի շարք ընկերությունների մտահոգություններին և ուսումնասիրել, թե ընդունվող օրինագիծն ինչ ազդեցություն կունենա տեղական սպառման վրա: Հակածխախոտային օրենքով ՀՀ առողջապահության նախարարությունն առաջարկում է արգելել ծխելը հանրային վայրերում և տուգանքներ սահմանել օրենքը խախտողների համար: Փոխնախարարի խոսքով՝ ծխախոտային արտադրատեսակները և էլեկտրոնային արտադրատեսակները թունավոր են և դրանց օգտագործումը պետք է կարգավորվի «ավանդական» ծխախոտին հավասար հիմունքներով: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ Քննարկվել են մի շարք փոխադարձ հետաքրքրություն ներկայացնող հարցեր Միրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունը Միրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերի Ճամփորդություն տելեկոմի անցյալով և ապագայով. Վերաբացվել է Կապի թանգարանը Թանգարանում առաջին շրջայցն անցկացրել է ընկերության գլխավոր տնօրեն Հայկ Եսայանը |