  Պոմպեյում ևս 3 տուն է վերականգնվել և բացվել 20 փետրվարի 2020 - 14:33 AMT PanARMENIAN.Net - Պոմպեյի հնագիտական այգում զբոսաշրջիկների համար բացվել է 3 կարևոր տուն՝ «Սիրահարների տունը» (Casa degli Amanti), Բակի տունը (Casa del Frutteto) և Եվրոպա նավի տունը (Casa della Nave Europa), փոխանցում է National Geographic-ը: Ռեստավրացիայի ակտիվ աշխատանքները հնագույն Պոմպեյում սկսվել են 2014-ից. ընդհանուր առմամբ դրանց վրա ծախսվել է €105 մլն: Casa degli Amanti, որը հայտնի է նաև «Սիրահարների տուն» անունով, հայտնաբերվել է 1933-ի պեղումների ժամանակ: 1980-ին այն տուժել էր երկրաշարժից և փակված էր՝ վերականգնման համար: Այն Պոմպեյի միակ տունն է, որի երկրորդ հարկը գրեթե ամբողջությամբ պահպանվել է: Մ.թ.ա 1-ին դարի շինությունը, ինչպես ենթադրում են հետազոտողները, եղել է հասարակաց տուն՝ պատերին կյանքի տարբեր իրավիճակների նկարներով: Այն իր անունը ստացել է մուտքի մոտ գրված լատիներեն արտահայտությունից՝ «Սիրահարները, մեղուների նման, ապրում են մեղրի պես քաղցր կյանքով: Թող լինի այդպես»: Երկրորդ տունը՝ Casa del Frutteto-ն, ներսում կանաչ տարածք ունի՝ պատերին կանաչ որմնանկարներով: Տունը հայտնաբերվել է 1913 թվականին: Երրորդ տունը՝ Casa della Nave Europa-ն իր անունը ստացել է շինության պատերին փորագրված բեռնափոխադրումների պատկերներից, որտեղ կարելի է տեսնել «Եվրոպա» բեռնափոխադրող նավը: Երեք շինության բացման արարողությանը ներկա է եղել նաև Իտալիայի Մշակութային ժառանգության և տուրիզմի նախարար Դարիո Ֆրանչեսկինին: Պոմպեյը Հին Հռոմի ծաղկուն քաղաքներից էր: Այն կործանվել է Վեզուվ հրաբխի ժայթքումից: Մի քանի մետր մոխրի տակ դեռ պահպանվել և ուսումնասիրվում են քաղաքի ավերակները:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
