Փաշինյան. ՀՀ-ում ոչ թե իշխանությունն է ատելություն քարոզում, այլ իշխանության հանդեպ է քարոզվում21 փետրվարի 2020 - 12:20 AMT PanARMENIAN.Net - ՀՀ-ում ատելության քարոզ ոչ թե իշխանությունն է տանում, այլ իշխանության նկատմամբ է տարվում, իսկ այն, որ հեղափոխությունից հետո ժողովուրդը շատերին ինքնադատաստանի չի ենթարկում, հեղափոխության դրած կանոնների շնորհիվ է, Առաջին ալիքի եթերում հայտարարել է վարչապետ Նիկոլ Փաշինյանը: «Կարող է ծայրահեղ հնչի, բայց, կարծում եմ` 100% իրականություն է, որ նախորդ ռեժիմի ներկայացուցիչները մինչև այսօր ՀՀ-ում ազատ շրջում են, ունեն լրատվամիջոցներ, արտահայտվում են անսահմանափակ ազատությամբ։ Այն, որ հեղափոխությունից հետո ժողովուրդը շատ շատերին ինքնադատաստանի չի ենթարկել, այն բանի շնորհիվ է, որ ՀՀ այսօրվա կառավարությունը և հեղափոխական հարթակը հստակ դրել է կանոններ՝ մենք պետք է գործենք օրինականության, սիրո և համերաշխության տրամաբանության մեջ», - ասել է Նիկոլ Փաշինյանը։ Վարչապետի խոսքով` ծայրահեղական երևույթները պետք է կանխվեն իրավապահ մարմինների կողմից, նաև գործառույթների շրջանակում դրանց հետ կապված որոշ ստուգողական աշխատանքներ իրականացնելով: «Եթե Նաիրի Հունանյանին բերման ենթարկած լինեին մի երկու անգամ, դրա արդյունքն ավելի լա"վ կլիներ, թե ավելի վատ: Մենք այդ արդյունքն ենք արձանագրում: Կան մարդիկ, որոնք ուրիշ լեզու չեն հասկանում: Էդ մարդկանց ես խորհուրդ եմ տալիս սկսել ջութակ նվագել սովորել, որպեսզի ավելի քաղաքակիրթ բառապաշար սկսեն հասկանալ։ Հասկացողը հասկացավ՝ ինչի մասին է խոսքը»,- հայտարարել է Փաշինյանը: Վարչապետի խոսքով՝ արդարադատությունը, փոխաբերական իմաստով և օրենքով սահմանված կարգով, ոտքերը մաքրելու է «ամենաատելի օլիգարխների վրա», ովքեր իրենք են սպառնում՝ ասելով «ոտքերս մաքրելու եմ»: «Եթե դա տեղի չունենա, ժողովուրդը բառի բուն իմաստով այդ մարդկանց վրա իր ոտքերը կմաքրի»,- հայտարարել է Փաշինյանը: Վարչապետի համոզմամբ՝ 2018-ին ՀՀ-ում հեղափոխությունն իրականացվել է սիրո և համերաշխության կոչերով և բռնության բացառման սկզբունքներով: Ոչ բռնի, թավշյա հեղափոխության անցկացման կարծիքին, սակայն, նախկին իշխանության ներկայացուցիչները համաձայն չեն. ՀՀԿ ներկայացուցիչներն իրենց տների առջև և թաղամասերում տեղադրվող սև ժապավենները, սոցցանցերում իրենց հասցեին հնչող մեկնաբանությունները բռնություն էին անվանում: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի ՀՌՀ նախագահն առաջարկում է սահմանափակել TikTok-ի հասանելիությունը ՀՀ-ում Նա նշել է, որ նույնիսկ ամենաժողովրդավարական երկրները սկսում են սահմանափակել |