«Գոլդեն Փելես» հյուրանոցի գնորդ չկա. Աճուրդը չի կայանա21 փետրվարի 2020 - 15:24 AMT PanARMENIAN.Net - Ծաղկաձորի «Գոլդեն Փելես» հյուրանոցի՝ փետրվարի 21-ին նախատեսված աճուրդը կրկին չի կայանա գնորդ չլինելու պատճառով: Այդ մասին ասել է Պետական գույքի կառավարման կոմիտեի նախագահ Նարեկ Բաբայանը, տեղեկացնում է Shantnews.am-ը: Բաբայանը նշել է, որ կառավարության որոշմամբ նախատեսված է 6 ամսում 3 աճուրդ կազմակերպել: Առաջինը նախատեսված էր դեկտեմբերի 19-ին, բայց այն չէր կայացել գնորդ չլինելու պատճառով: Երկրորդ աճուրդի մեկնարկային գինը սահմանվել էր 7 մլրդ 150 մլն 135 հազար դրամ՝ 5 տոկոս պակաս նախորդից: Քանի որ աճուրդը կրկին չի կայանալու, մեկնարկային գինը կրկին 5 տոկոսով պետք է նվազի: Հարցին, թե ինչ ընթացակարգ է նախատեսված, եթե աճուրդն այդպես էլ չլինի՝ Բաբայանն ասել է, որ այդ դեպքում հարցը լրացուցիչ կքննարկվի: «Գուցե այլ որոշում ընդունվի»,- հավելել է նա: 2019-ի սեպտեմբերի 26-ին ՀՀ կառավարությունը հավանություն էր տվել «Գոլդեն Փելեսը» պետությանը նվիրաբերելու հարցին: 2018-ին ԱԱԾ-ն տեղեկացրել էր, որ 2010-2012 թթ. Ծաղկաձորում կառուցվել է «Գոլդեն Փելես» հյուրանոցը, որի սեփականատեր դարձել էր Անգլիայի Դուգլաս քաղաքում հիմնադրված «Գոլդեն գրուպ լիմիտեդ» ՓԲԸ-ն. դրա 100 տոկոս բաժնետեր էր ՀՀ մաքսային պետական կոմիտեի նախկին նախագահ Արմեն Ավետիսյանի որդին՝ Արտաշես Ավետիսյանը: Նա ցանկություն էր հայտնել հյուրանոցը նվիրաբերել պետությանը: «Գոլդեն Փելեսը» պետությանը նվիրելուց հետո Մաքսային ծառայության նախկին պետ Արմեն Ավետիսյանի վերաբերյալ վարույթը կարճվել էր: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |