Genesis-ը կվերամիավորվի և համերգային շրջագայության կմեկնի 5 մարտի 2020 - 11:18 AMT PanARMENIAN.Net - Genesis ռոք խմբի անդամները կվերամիավորվեն և համերգային շրջագայության կմեկնեն Բրիտանիայի և Իռլանդիայի քաղաքներով: Վերջին անգամ խումբը միասին ելույթ է ունեցել 13 տարի առաջ: Թոնի Բենքսը, Ֆիլ Քոլինզը և Մայք Ռեզերֆորդն իրենց ծրագրերի մասին պատմել են BBC Radio 2 ռադիոկայանի եթերում: «Սա բնական իրավիճակ է, կարծում եմ: Մենք լավ ընկերներ ենք, բոլորս ողջ-առողջ ենք և ահա մենք այստեղ ենք»,- ասել է Բենքսը, գրում է BBC-ն: Շրջագայության ժամանակ խմբին կմիանա Ֆիլ Քոլինզի 18-ամյա որդին՝ Նիկոլասը: Նա կզբաղեցնի հոր տեղը հարվածայինների մոտ: Համերգներին չի մասնակցի խմբի հիմնադիրներից ևս մեկը՝ Պիտեր Գեբրիելը, որը հեռացել է Genesis-ից 1975-ին: Կիթառահար Սթիվ Հենքսը նույնպես չի մասնակցի նախագծին: Համերգային շրջագայությունը կկոչվի «Վերջին դոմինո»: Այն կմեկնարկի Դուբլինից՝ նոյեմբերի 16-ի համերգով: Genesis բրիտանական ռոք խումբը ստեղծվել է 1967 թվականին և սկզբնապես պատկանում էր պրոգրեսիվ ռոք ուղղությանը։ Խումբն արժանացել է Գրեմմի մրցանակի։ Ամբողջ աշխարհով մեկ վաճառվել է ավելի քան 150 մլն ալբոմ (որոնցից մոտ 22 մլն-ը՝ ԱՄՆ-ում), և այդ ցուցանիշով մտնում է բոլոր ժամանակների Top 30-ի մեջ: Առավել հայտնի մասնակիցները՝ Պիտեր Գեբրիելը և Ֆիլ Քոլինզը, հետագայում հաջող սոլո-կարիերա են ունեցել։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |