Պատգամավոր. Ծեծից մահացած կինն ու ծանր վիճակում գտնվող երեխան 8 ժամ այդ վիճակում էին 6 մարտի 2020 - 13:03 AMT PanARMENIAN.Net - Գյումրիում ծեծի ենթարկվելուց և 8 ժամ այդ վիճակում մնալուց հետո է միայն հայտնաբերվել չափահաս կնոջ դին և ծանր վնասվածքներով նրա 13 տարեկան աղջիկը, Ազգային ժողովում հայտնել է «Իմ քայլը» խմբակցության պատգամավոր Համազասպ Դանիելյանը: Գյումրիում 28-ամյա տղամարդը ծեծել է 43-ամյա կնոջը և նրա 13 տարեկան դստերը: Կինը մահացել է, երեխան ծայրահեղ ծանր վիճակում է: Տղամարդը բերման է ենթարկվել: Ըստ ոստիկանության՝ դեպքը կատարվել է կենցաղային վեճի և խանդի հողի վրա։ Հղում անելով դատախազությանը՝ պատգամավորը նշել է, որ քրգործ է հարուցվել դիտավորությամբ առողջությանը ծանր վնաս պատճառելու դեպքով՝ անզգուշությամբ տուժողի մահն առաջացնելու համար: «Սա 2020 թվականին արդեն երրորդ զոհն է: Ճիշտ այնպես, ինչպես ունենում ենք անթույլատրելի մեծ թվով միջադեպեր բանակում, նույն տրամաբանությամբ նաև բռնությունն ընտանիքում անթույլատրելի է և խարխլում է այդ կարևոր ինստիտուտի նկատմամբ վստահությունը: Ընդամենը երկու օր հետո մեզնից շատերը Մարտի 8-ը կնշեն, փուչիկներ ու ծաղիկներ կգնեն, կենացներ կասեն, մինդեռ շատ ավելի կարևոր է, որ որպես քաղաքացի հասկանանք, որ մեր, դատախազության, ոստիկանության, պատկան մարմինների դերը պետք է վերաիմաստավորվի, որպեսզի նման դեպքեր այլևս տեղի չունենան և բռնությունը արմատախիլ արվի»,- ասել է պատգամավորը։ Կարդացեք նաև. Թորոսյան. Գյումրիում ծեծված 13-ամյա աղջկա վիճակը ծայրահեղ ծանր է Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց Շենքի շուրջբոլորը ոստիկանությունը պատնեշներ է տեղադրել Ամենաընթերցվողը բաժնում | «Խաղաղության խաչմերուկի» շրջանակում Չինաստանից ՀՀ է հասել առաջին բեռնատարը Բեռնափոխադրումը տևել է մոտ 20 օր ՀԱՊԿ գլխավոր քարտուղարը հուսով է` ՀՀ-ն կհստակեցնի կառույցի հետ հարաբերությունների հեռանկարները «ՀՀ նկատմամբ բոլոր պարտավորությունները պահպանվում են ամբողջ ծավալով»,- ասել է նա Դանիել սարկավագը՝ բերետավորների գործողությունների մասին․Ծեծում էին՝ «հայր սուրբ, հայր սուրբ» ասելով Նա ասել է, որ ոստիկանության այդ ծառայողներն ամեն ինչի պատրաստ են Կենդանաբանական այգու փղի համար նոր բացօթյա ազատավանդակ կկառուցվի Ավինյանն ասել է, որ նամակներ է ստանում Բունկա փղի պահման ոչ բարվոք պայմանների մասին |