Պետդեպ. Կոռուպցիան ՀՀ դատավորների շրջանում մտահոգիչ է13 մարտի 2020 - 10:43 AMT PanARMENIAN.Net - ԱՄՆ պետքարտուղարությունը մտահոգիչ է համարում ՀՀ դատավորների շրջանում կոռուպցիան: Այդ մասին ասվում է Հայաստանում մարդու իրավունքերի ոլորտի խնդիրների մասին Պետդեպի տարեկան զեկույցում, որն անդրադառնում է 2019-ի զարգացումներին այդ ոլորտում: Պետքարտուղարությունը մտահոգություն է հայտնում անկախ դատական համակարգի հետ կապված խնդիրների ու ոլորտում առկա կոռուպցիայի վերաբերյալ: Նշվում է, որ դատական համակարգը զերծ է անկախությունից ու անաչառությունից, չի վայելում հանրային վստահություն: Զեկույցը հիշեցնում է տեղական հասարակական կազմակերպությունների մտահոգությունների մասին դատավորների վերահսկողության օբյեկտիվ չափանիշների բացակայության վերաբերյալ, հատկապես Բարձրագույն դատական խորհրդի ու Սահմանադրական դատարանի հարցում, գրում է «Ամերիկայի ձայնը»: Ըստ Պետքարտուղարության՝ ընդհանուր առմամբ գործող իշխանությունը հարգում է դատական համակարգի որոշումները, սակայն վարչապետ Նիկոլ Փաշինյանի մայիսի 19-ին հանրությանը հնչեցրած կոչը դատարանների արգելափակման մասին որոշ շրջանակների կողմից որակվել է որպես ճնշում դատական իշխանության հանդեպ: Հայաստանում չկան հաղորդումներ քաղաքական բանտարկյալների կամ կալանավորվածների մասին: Որպես մարդու իրավունքների լուրջ խնդիրներ զեկույցը մատնանշում է խոշտանգումները, ծանր բանտային պայմանները, կամայական ձերբակալությունները՝ չնայած դրա նվազեցման միտմանը, անկախ դատական համակարգի, սեռական փոքրամասնությունների նկատմամբ բռնաճնշումների, մարդու անձնական կյանքի մեջ ներխուժման, երեխաների շահագործման հետ կապված խնդիրները: Ընդգծվում է, որ Կառավարությունը քայլեր է ձեռնարկում նախկին և ներկա պաշտոնյանների խախտումները բացահայտելու ուղղությամբ: Հայաստանն ունի շարունակական կոռուպցիոն ժառանգություն բազմաթիվ ոլորտներում, ասվում է զեկույցում: «Գործող իշխանությունը կոռուպցիայի դեմ պայքարը հռչակել է առաջնահերթություն և միջոցներ է ձեռնարկում այն վերացնելու ուղղությամբ: Չնայած կոռուպցիայի վերացման վերաբերյալ բարձրաստիճան պաշտոնյաների հայտարարություններին, տեղական փորձագիտական շրջանակներն ընդգծում են հակակոռուպցիոն պայքարի հետագա իստիտուցիոնալիզացման անհրաժեշտությունը: Նախկին բարձրաստիճան պաշտոնյաների կողմից իրավական հետևանքներից խուսափելու համար պետությանը վերադարձված միջոցների կանոնակարգը պարզ չէ»,- ասվում է զեկույցում: Մատնանշված խնդիրների շարքում է նաև կանանց հանդեպ բռնության բացահայտման ուղղությամբ իրավապահների անարդյունավետ աշխատանքը: Ընդգծվում է՝ «կանանց նկատմամբ բռնությունները համատարած են, իսկ կանանց իրավունքների ու իրավահավասարության ոլորտի ակտիվիստները` դառնում են ատելության խոսքի թիրախներ»: Վերջիներս քննադատվում են «հայկական ավանդական ընտանիքի» հիմքերը խարխլելու ու «արևմտյան արժեքներ» տարածելու համար: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Արցախի ՄԻՊ. Արցախցի քաղաքապետերի դեմ քրվարույթները քաղենթատեքստ ունեն Նա պատահական չի համարում, որ այդ անհիմն վարույթները մեկնարկեցին Բագրատ սրբազանի հետ նրանց հանդիպումից հետո «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը |