  ՀՀ-ում 2 հիվանդանոց կարող է վարակվածների ընդունել, ևս 2-ը ռեզերվում են. Մինչև 1500 հոգի կտեղավորվեն 16 մարտի 2020 - 20:32 AMT PanARMENIAN.Net - Մարտի 16-ի դրությամբ ՀՀ-ում մեկուսացված է 310 մարդ, կա ևս 400 անձի մեկուսացնելու պոտենցիալ, հայտարարել է ՀՀ վարչապետ Նիկոլ Փաշինյանը: Նա նշել է, որ երկրում արտակարգ դրություն հայտարարելուց հետո արդեն պետությունը կարող է հարկադրանքի միջոցներ կիրառել չինքնամեկուսացող քաղաքացիների հանդեպ: Վարչապետը նաև նշել է, որ աշխարհում կան երկրներ, որոնք հրաժարվում են մեկուսացման քաղաքականությունից՝ բերելով հիմնավորումներ, սակայն ՀՀ-ն դեռ շարունակելու է այդկերպ առաջնորդվել։ ՀՀ-ում մարտի 16-ից մինչև ապրիլի 14-ը արտակարգ դրություն է հայտարարված՝ կորոնավիրուսի տարածումը կանխելու համար: Փաշինյանն ասել է, որ այս պահի դրությամբ մի քանի հիվանդանոցում կա 400 պատրաստ մահճակալ, ՀՀ-ն ունի 800-1000 հոգու բուժման համար նախատեսված տեղ և կառավարությունը պատկերացում ունի, թե որտեղ քանի հիվանդ է տեղավորելու: Վարչապետի խոսքով՝ փետրվարի կեսերից սկսել են ազատել Նորքի ինֆեկցիոն հիվանդանոցն այլ հիվանդություններ ունեցող մարդկանցից (պացիենտներն այլ հիվանդանոցներ են տեղափոխվել) և նախապատրաստել այն միայն կորոնավիրուսի վարակվածության դեպքերի համար: «Այսպիսի 100% պատրաստ երկրորդ հիվանադանոցը կա, երրորդն ու չորրորդը ռեզերվում են: Այս 4 ռեզերվը միասին անցնում է 1000-1500-ը: Մենք հույս ունենք, որ չենք լրացնի այդ թիվը»,- ասել է վարչապետը: Մարտի 16-ի դրությամբ ՀՀ-ում կորոնավիրոսով վարակման դեպքերը 30-ն են: 1 պացիենտ առողջացել է: Կարդացեք նաև․ Կորոնավիրուսից խուսափելու համար խորհուրդներ` ԱՀԿ-ից   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
