Տնից կարելի է դուրս գալ մի քանի դեպքում՝ խանութ, աշխատանքի, սպորտով զբաղվելու24 մարտի 2020 - 21:19 AMT PanARMENIAN.Net - Պարետի որոշմամբ՝ մարտի 24-ից ՀՀ-ում սահմանափակվում է մարդկանց ազատ տեղաշարժի իրավունքը և սահմանվում պարտադիր ինքնամեկուսացում իրենց գտնվելու կամ բանկության վայրում, հայտարարել է փոխվարչապետի խորհրդական Սուրեն Քրմոյանը: Նա հայտնել է, որ քաղաքացիները կարող են տնից դուրս գալ միայն կենսական անհրաժեշտության դեպքում՝ այցելելով դեղատներ, շուկաներ, խանութներ, կատարելու համար ֆիզիկական վարժություններ, նրանք կարող են նաև մասնակցել հոգեհանգստի արարողությունների և այցելել խնամքի կարիք ունեցողի՝ բացառիկ դեպքերում: «Յուրաքանչյուր անգամ տնից դուրս գալիս քաղաքացիները պետք է լրացնեն պարետի կողմից սահմանված ձևաթուղթը, թերթիկը պետք է լրացնեն նաև տնտեսական գործունեություն իրականացնող կամ պետական կառավարման համակարգում աշխատող և թույլտվություն ունեցող անձինք»,-ասել է Քրմոյանը: Նա հիշեցրել է, որ անձը, ում գործունեությունը սահմանափակված չէ և պետք է դուրս գա աշխատանքի, պարտադիր պետք է ունենա անձը հաստատող փաստաթուղթ և լրացնի համապատասխան ձևաթուղթ: Քրմոյանը կրկնել է՝ քաղաքացին 3 դեպքում կարող է տնից դուրս գալ, երբ իր գործունեության ոլորտի վրա սահանափակում չկա և գնում է աշխատանքի, երբ խանութ է գնում՝ կենսական անհրաժեշտության ապրանքներ գնելու և երբ բնակության վայրին կից սպորտով է զբաղվում: Նրա խոսքով՝ ՀՀ ամբողջ տարածքում սահմանափակվում է հանրային ծառայության իրականացումը, հանրային իշխանության մարմիններին հրահանգված է գործունեությունն իրականացնել առցանց, բացառությամբ այն դեպքի, երբ մարմնի ղեկավարն անհրաժեշտության դեպքում որոշում է ընդունում, որ մի քանի հոգի կարող են այցելել աշխատավայր: Քաղաքացիները չպետք է այցելեն նաև պետական մարմինների գրասենյակներ, այնտեղ խիստ անհրաժեշտության դեպքում նվազագույն թվով աշխատակիցներ կլինեն, սակայն բոլոր հարցերի համար կգործեն առցանց տարբերակներ: Քրմոյանը ներկայացրել է կորոնավիրուսի մասին ինֆորմացիա տարածող նոր հարթակը, որտեղ ներկայացվելու են թարմացվող տեղեկություններ, պարետի որոշումներ: Նա հայտնել է նաև, որ տեղաշարժի սահմանափակումը վերաբերելու է բոլորին՝ անկախ նրանից, թե որ երկրի քաղաքացի են: Կարգը խախտելու համար վարչական պատասխանատվություն է նախատեսված: Տրանսպորտային միջոցները երկրում աշխատելու են՝ պահպանելով պարետի ցուցումները: ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Հայաստանում մարտի 24-ի երեկոյի դրությամբ կորոնավիրուսով վարակի դեպքերի թիվն ավելացել է 14-ով և հասել է 249-ի: Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սփյուռքի գործերի գլխավոր հանձնակատարը գործուղվել է Իտալիա Հանդիպումներ կլինեն տեղի պաշտոնատար անձանց, հայկական կառույցների հետ ՊՆ. Սուտ է, թե Տավուշի հատվածում Ադրբեջանը կրակել է հայկական դիրքերի ուղղությամբ Նախարարությունը հորդորում է հետևել գերատեսչության պաշտոնական հաղորդագրություններին Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները |