Ուղևորահոսքը Երևանում մոտ 30 անգամ կրճատվել է 26 մարտի 2020 - 17:56 AMT PanARMENIAN.Net - Մարտի 25-ի դրությամբ Երևանում ընդհանուր ուղևորահոսքը 2019-ի նույն ժամանակաշրջանի համեմատ մոտ 30 անգամ կրճատվել է։ Այդ մասին Կառավարության նիստում ասել է ՀՀ փոխվարչապետ, պարետ Տիգրան Ավինյանը՝ նշելով, որ մարտի 25-ի դրությամբ 18,000 ուղևոր է տեղափոխվել։ Պարետը հավելել է, որ գրեթե նույն վիճակն է մարզերում։ Նա հորդորել է հետևել ազատ տեղաշարժի սահմանափակումներին։ Ավինյանն ասել է նաև, որ եթե խախտումների ոչ մեծ քանակը պահպանվի, հնարավոր կլինի սահմանափակվել 7-օրյա ժամկետով։ Մարտի 26-ի՝ ժամը 08։00-ի դրությամբ, անձանց ազատ տեղաշարժի սահմանափակումների վերաբերյալ պարետի որոշումը խախտելու փաստով կազմվել է 286 արձանագրություն, բերման է ենթարկվել 60 քաղաքացի, հայտարարել է ոստիկանապետ Արման Սարգսյանը։ ՀՀ ամբողջ տարածքում մարտի 25-ից գործում են անձանց ազատ տեղաշարժի 7-օրյա սահմանափակումներ՝ նոր կորոնավիրուսի հնարավոր տարածումը կանխելու նպատակով։ Քաղաքացիներն իրենց մոտ պարտադիր պետք է ունենան Պարետի որոշման հավելվածով սահմանված տեղեկությունները պարունակող գրություն և անձը հաստատող փաստաթուղթ, որոնց բացակայությունը առաջացնում է օրենքով նախատեսված պատասխանատվություն։ Արտակարգ իրավիճակի հիմքով հայտարարված արտակարգ դրության ընթացքում որպես սահմանափակում նախատեսված մեկուսացման կամ ինքնամեկուսացման կանոնները կամ ազատ տեղաշարժվելու իրավունքի այլ սահմանափակումները խախտելն առաջացնում է տուգանքի նշանակում` 100-ից 250 հազար դրամի չափով:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
