Վրաստանն Ուկրաինայից դեսպանին հետ կկանչի, եթե Սաակաշվիլին փոխվարչապետ դառնա 24 ապրիլի 2020 - 19:40 AMT PanARMENIAN.Net - Վրաստանն Ուկրաինայից հետ կկանչի իր դեսպանին, եթե Միխեիլ Սաակաշվիլին պաշտոն ստանձնի ուկրաինական կառավարությունում, հայտարարել է վարչապետ Գեորգի Գախարիան, փոխանցում է ՌԲԿ-ն։ Ավելի վաղ Վրաստանի նախկին նախագահ և Ուկրաինայի Օդեսայի շրջանի նախկին նահանգապետ Միխեիլ Սաակաշվիլին հայտարարել էր, որ Ուկրաինայի նախագահ Վլադիմիր Զելենսկուց բարեփոխումների գծով փոխվարչապետի պաշտոնը ստանձնելու առաջարկ է ստացել։ Գախարիայի խոսքով՝ Վրաստանի ռազմավարական գործընկերոջ՝ Ուկրաինայի կողմից, «սկզբունքորեն անընդունելի է» Սաակաշվիլիի՝ բարձր պաշտոն զբաղեցնելը, քանի որ նա դատապարտվել է ծանր հանցագործության համար և հետախուզման մեջ է։ «Եթե նման որոշում կայացվի, մենք Կիևից, նվազագույնը, հետ կկանչենք մեր դեսպանին՝ խորհրդակցության համար»,- հայտարարել է Գախարիան։ Ավելի վաղ վրացական լրատվամիջոցները գրել են Ուկրաինայում Վրաստանի դեսպանի հնարավոր հետ կանչման մասին՝ հայտնելով նաև, որ Թբիլիսին դժգոհ է Զելենսկու՝ Սաակաշվիլիին փոխվարչապետ նշանակելու որոշումից։ 2019-ին Զելենսկին վերադարձրել էր ուկրաինական քաղաքացիությունը Սաակաշվիլիին: Որպես հիմք նշվել էր այն հանգամանքը, թե նա չէր տեղեկացրել Վրաստանում իր դեմ հարուցված քրգործերի մասին և սխալ տեղեկություններ էր հայտնել: Թբիլիսիի քաղաքային դատարանը 3 տարվա ազատազրկման է դատապարտել Վրաստանի նախկին նախագահին: Սաակաշվիլին մեղավոր է ճանաչվել պաշտոնական դիրքի չարաշահման համար՝ բարձրաստիճան մի քանի պաշտոնյայի ներում շնորհելու վերաբերյալ գործով:   Ուշագրավ Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ   Ամենաընթերցվողը բաժնում |  Վերջին լուրեր ՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով  ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներին |
