 Ուկրաինայի Ռադայի պատգամավորները հարգել են Հայոց ցեղասպանության զոհերի հիշատակը 25 ապրիլի 2020 - 11:15 AMT PanARMENIAN.Net - Ուկրաինայի Գերագույն ռադայի պատգամավորներն ապրիլի 24-ին տեսաուղերձով հարգել են Հայոց ցեղասպանության զոհերի հիշատակը։ Ավելի վաղ Ուկրաինայի ԱԳ փոխնախարար Վասիլի Բոնդարը նամակ էր հղել պետմարմինների ներկայացուցիչներին՝ խնդրելով չմասնակցել Հայոց ցեղասպանության 105-րդ տարելիցի ոգեկոչման միջոցառումներին և չարտասանել «Հայոց ցեղասպանություն» եզրույթը։ «Ուկրաինան հիշում է» տեսաուղերձի սկզբում պատգամավոր Դարյա Վոլոդինան հիշեցնում է, որ ապրիլի 24-ն այն օրն է, երբ աշխարհը հիշում է Հայոց ցեղասպանության զոհերին և հարգում նրանց հիշատակը։ Նրան միացել է 26 պատգամավոր Ուկրաինայի տարբեր շրջաններից։ Նախաձեռնության հեղինակը Վոլոդինան է։ Նա ասել է, որ այդպիսով պատգամավորներն իրենց համերաշխությունն են հայտնում հայ ժողովրդին, գրում է AnalitikaUA.net-ը։ Նամակում ԱԳ փոխնախարար Վասիլի Բոնդարը նշել էր, որ Ուկրաինան չի ճանաչում Հայոց ցեղասպանությունը և կիրառում է «1915թ․ ողբերգական իրադարձություններ» արտահայտությունը։ Հայոց ցեղասպանության հարցը, ըստ նրա, զգայուն է Ուկրաինայի ռազմավարական գործընկեր Թուրքիայի համար։ Ուկրաինայի ՆԳ նախարար Արսեն Ավակովը ևս հարգանքի տուրք է մատուցել Հայոց ցեղասպանության զոհերի հիշատակին: «Ապրիլի 24-ը Հայոց ցեղասպանության հիշատակի օրն է, ցավի և ողբի օր 1915-1924թթ․ զոհված միլիոնավոր մարդկանց համար․․․»,-գրել է նա Twitter-ի իր միկրոբլոգում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
