Նախարար․ Հիվանդների բուժման խորը սորտավորում կարող է պահանջվել՝ ինչպես պատերազմին

Նախարար․ Հիվանդների բուժման խորը սորտավորում կարող է պահանջվել՝ ինչպես պատերազմին

PanARMENIAN.Net - Կորոնավիրուսով հիվանդների բուժման խորը սորտավորման կարիք կարող է առաջանալ, եթե վարակի տարածումը ՀՀ-ում շարունակվի նույն տեմպերով։ Այդ մասին հայտարարել է առողջապահության նախարար Արսեն Թորոսյանը Հանրային խորհրդի անդամների հետ առցանց հանդիպման ժամանակ՝ պատասխանելով ՀԽ անդամ Դանիել Իոաննիսյանի հարցին։

Նախարարը պարզաբանել է, որ նման սորտավորում սովորաբար արվում է պատերազմական պայմաններում, երբ հարկ է լինում բուժել այն պացիենտներին, որոնք փրկվելու շանս ունեն։

Թորոսյանը հավելել է նաև, որ ամեն ինչ արվում է, որ բանը դրան չհասնի։ Նա նշել է, որ այսօրվա դրությամբ բոլոր հիվանդները ստանում են բուժօգնություն, նրանք ուղղակի հիվանդանոցներում չեն պառկած։

«Ծանրներին ի սկզբանե ընդունում ենք հիվանդանոցում։ Մոտավորապես գիտենք՝ ով է ծանր դառնալու․ տարեց, քրոնիկ հիվանդություններ ունեցող քաղաքացիներն են, նաև ուշացումով դիմողները»,- ասել է նախարարը։

«Չեմ կարծում, որ եթե թիվը մնա ներկայիս սահմաններում, խորը սորտավորման կարիք կունենանք, դրա կարիքը կլինի թվի աճի ժամանակ»,- հավելել է նա։

 Ուշագրավ
Պատճառը Մերձավոր Արևելքում հակամարտության սրացումն է
Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ
Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը
Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման
---