Հայրապետյանը ՀՖՖ-ից 18․5 մլն դրամ է հափշտակել30 մայիսի 2020 - 11:11 AMT PanARMENIAN.Net - Հայաստանի ֆուտբոլի ֆեդերացիայի նախկին նախագահ, Աժ նախկին պատգամավոր Ռուբեն Հայրապետյանը կազմակերպել է ֆեդերացիայի 26,000 քմ-ից ավելի հողակտորը իր և մերձավորների անունով գրանցելու գործընթաց, իրեն պատկանող գործարանի հաշվեկշռում գրանցված մեքենան ՀՖՖ-ն գնել է մոտ 5 անգամ ավելի թանկ արժեքով, հայտնում են ոստիկանությունից։ Դեպքերի առթիվ Քրեական ոստիկանության գլխավոր վարչությունում քրեական գործ է հարուցվել։ Այն ուղարկվել է Հատուկ քննչական ծառայություն։ «Քննությանը հայտնի տվյալներով՝ 2014 թվականի նոյեմբերին ֆեդերացիայի նախագահը ՀՖՖ միության անունից կամովին հրաժարվել է մոտ 800 մլն դրամ արժողությամբ հողակտորից։ Այնուհետև Երևանի քաղաքապետը (2011-2018թթ. Երևանի քաղաքապետը Տարոն Մարգարյանն էր, - խմբ.) ու քաղաքապետարանի պատասխանատու պաշտոնատար անձինք, 2015-ի հունվարին անցկացրել են հիշյալ հողակտորի, ըստ էության՝ ձևական աճուրդներ, որոնց արդյունքում 800 մլն դրամ արժողությամբ հողակտորը ընդհանուր 169․2 մլն դրամով գնել են բացառապես ֆեդերացիայի նախագահի հետ փոխկապակցված և նրա ազդեցության տակ գտնվող անձինք»,- նշված է ոստիկանության հաղորդագրության մեջ։ Ըստ դրա նաև՝ Հայրապետյանի գրավոր կարգադրությամբ իրեն պատկանող հանքային ջրերի գործարանի հաշվեկշռում գտնված Porche Cayenne Turbo ավտոմեքենան գնվել է ֆեդերացիայի կողմից։ Դրա արդյունքում տվյալ պահին 6․5 մլն դրամ արժողությամբ մեքենան ֆեդերացիան գնել է գրեթե 5 անգամ ավելի թանկ արժեքով՝ 25․7 մլն-ով։ Ոստիկանությունը նշում է, որ այս գործարքով հափշտակվել է առանձնապես խոշոր չափերի՝ 18․5 մլն դրամ։ Ավելի վաղ բավարարվել էր Հայրապետյանին ու ևս 4 անձի կալանավորելու միջնորդությունները, Հայրապետյանի հանդեպ հետախուզում էր հայտարարվել։ Նա բուժման նպատակով դեռևս մարտին մեկնել է արտերկիր, իսկ հիմա չի կարողանում հայրենիք վերադառնալ կորոնավիրուսի համավարակի հետևանքով ընդհատված ավիահաղորդակցության պատճառով։ 2019-ին Հայրապետյանի նկատմամբ 4 հոդվածով քրեական գործ էր հարուցվել։ Դրանք են` 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս (առևտրային կամ այլ կազմակերպությունների ծառայողների կողմից լիազորությունները չարաշահելը): Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Վարչապետ․ Սահմանային սյուները ՀՀ անվտանգության երաշխիքի սյուներ են, եթե գործընթացը կասեցվի` պատերազմ կլինի Նա ասել է, որ պետք է ամեն ինչ անել սահմանային սյուները շատացնելու համար Փաշինյանը` ՀՀ նպատակների մասին․ Թուրքիայի և Ադրբեջանի հետ թշնամության կառավարում, նվազեցում, զրոյացում Նա ասել է, որ այս համատեքստում կառավարությունը հատուկ կարևորություն է տալիս «Խաղաղության խաչմերուկ» նախագծին Փաշինյան․ Սահմանազատումն արվում է ԽՍՀՄ վերջին քարտեզների հիման վրա, 1988–ի սահմանազատումն իրավական ուժ չունի Նա, սակայան, չի նշել, թե կոնկրետ որ թվականի քարտեզի մասին է խոսքը Փաշինյան․ Ալմաթիի հռչակագիրը խաղաղության պայմանագրում ներառելու հարցը կքննարկվի մայիսի 10-ին Վարչապետին հացրել են, թե ինչո՞ւ Բաքուն չի համաձայնում Ալմաթիի հռչակագիրը ներառել նաև խաղաղության պայմանագրում |