«Մուլտի Գրուպ»-ի բեռնատարներն ու Աբովյանի ավտոբուսը Երևանում փողոցներ են փակել16 հունիսի 2020 - 11:44 AMT PanARMENIAN.Net - «Մուլտի Գրուպ» կոնցեռնին պատկանող բեռնատարները, Աբովյանի ավտոբուսները Երևանում փակել են մի շարք փողոցներ։ Ֆեյսբուքյան օգտատերերը լուսնակարաներ են հրապարակել, որտեղ երևում է, որ որոշ փողոցներ փակված են մի քանի մեքենաներով։ ԱԺ-ն քննարկում է ԲՀԿ խմբակցության ղեկավար Գագիկ Ծառուկյանին անձեռնմխելիությունից զրկելու հարցը։ Գլխավոր դատախազն այդ հարցով միջնորդություն է ներկայացրել։ Կարճ ժամանակ անց ոստիկաններն ու քաղաքացիները բրդելով հեռացրել են բեռնատարները փողոցից։ Օգտատերերից Դավիթ Հովհաննիսյանն իր էջում գրել է, որ Ավանում «Մուլտի Գրուպ»-ի մեքենաները «տոտալ փակել են» ճանապարհը։ Նա մտահոգություն է հայտնել, թե ճանապարհը փակ է նաև շտապօգնության մեքենաների համար, ինչի պատճառով կյանքեր կարող են վտանգվել։ Օգտատերերից Արմեն Գրիգորյանը հայտնել է, որ փակ է դեպի Սևան տանող ճանապարհը՝ Աճառյան փողոցը։ Լրագրող Արման Սուլեյմանյանը լուսնակար է հրապարակել, որտեղ երևում է, որ փակ է «Հաղթանակ» կամրջից դեպի Մաշտոցի պողոտա տանող հատվածը։ Հունիսի 14-ի առավոտյան ԱԱԾ-ն խուզարկություն էր սկսել Ծառուկյանի տանը, որը մոտ 4 ժամ տևեց։ Ըստ ԱԱԾ-ի՝ նրան պատկանող խաղատունը ՀՀ-ին 30 մլրդ դրամի վնաս է հասցրել, իսկ 2017-ին ԲՀԿ-ն հարյուր միլիոնավոր դրամների ընտրակաշառք է բաժանել։ Ծառուկյանը շանտաժ ու քաղաքական ճնշում էր որակել իր տան խուզարկությունն ու ԱԱԾ-ում հարուցած քրգործը։ Խուզարկությունից հետո Ծառուկյանին տեղափոխել էին ԱԱԾ, որտեղ նա մոտ 9 ժամ հարցաքննվել է։ Ուշագրավ «Մայիսի 28-ը մեր խորհրդանիշներից է, և պետք է գնան այնտեղ նրանք, ովքեր հակադրություն չունեն արժեքների միջև»,–ասել է նա Նա նշել է, որ դրա հետևանքով բնակավայրերի հետ կապի խնդիր է առաջցել Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը | Ռուսական Առաջին ալիքի սփռումը ՀՀ հանրային մուլտիպլեքսում դադարեցվել է պարտքի պատճառով Հեռարձակումը ժամանակավորապես դադարեցվել է մինչև պարտքի ամբողջական մարումը Դեբեդ և Աղստև գետերի ավազաններում ջրի ելքերը նվազել են Առանձին դիտակետերում միայն դիտվել է ջրի ելքերի մեծացում Ոստիկանները, շղթա կազմելով, փորձել են խոչընդոտել կաթողիկոսի մուտքը Սարդարապատ Կադրերում երևում է, թե ինչպես է վեհափառը մի խումբ հոգևորականների հետ փորձում շարժվել դեպի հուշահամալիր, բայց ոստիկանները խոչընդոտում են ՌԴ-ն մտադիր է հյուպատոսություն բացել Ստեփանակերտում Նշվել է, որ իդեալական կլիներ, որ հյուպատոսությունը բացվեր 2024–ին |