Երևանում ծեծել են դիմակ չունենալու համար արձանագրություն կազմող ոստիկաններին 6 հուլիսի 2020 - 13:12 AMT PanARMENIAN.Net - Երևանում դիմակ չկրելու համար արձանագրություն կազմել ցանկացած ոստիկաններին 20-ամյա և 17-ամյա երկու երիտասարդ հարվածել են և հայհոյել։ ՀՀ քննչական կոմիտեից հայտնում են, որ նրանցից մեկը՝ 20-ամյա երիտասարդը, ձերբակալվել է, իսկ 17-ամյա անչափահասի նկատմամբ որպես խափանման միջոց է ընտրվել ծնողին հսկողության հանձնելը: Ըստ ՔԿ-ի՝ հունիսի 5-ին Բագրատունյաց պողոտայում ոստիկանները դիմակ չկրելու համար ցանկացել են տուգանել «Օպել Աստրա» մակնիշի ավտոմեքենայի վարորդին, նա մեքենայի սրահից վիրավորական արտահայտություններ և հայհոյանքներ է հենչեցրել ոստիկանների հասցեին։ Նրանցից մեկը՝ Գյումրիի 20-ամյա բնակիչը, բռունցքով հարվածել է ոստիկանության լեյտենանտի դեմքին, որից հետո վիճաբանություն և քաշքշուկ է սկսվել։ Դեպքին միջամտել են տարածքում ծառայություն իրականացնող ոստիկանության զորքերի ծառայողները: Վիճաբանության ընթացքում նույն ավտոմեքենայի մեկ այլ ուղևոր՝ Երևանից 17-ամյա բնակիչը, բռունցքով հարված է հասցրել ոստիկանության կրտսեր սերժանտի ականջին։ Դեպքի առթիվ ՀՀ քննչական կոմիտեի Երևան քաղաքի քննչական վարչության Շենգավիթ վարչական շրջանի քննչական բաժնում հարուցվել է քրեական գործ՝ ՀՀ քրեական օրենսգրքի 316-րդ հոդվածի 1-ին մասով (իշխանության ներկայացուցչի նկատմամբ բռնություն գործադրելը, պատժվում է տուգանքով՝ նվազագույն աշխատավարձի 300-500-ապատիկի չափով կամ կալանքով՝ առավելագույնը 1 ամիս ժամկետով, կամ ազատազրկմամբ՝ առավելագույնը 5 տարի ժամկետով): Նախաքննությունը շարունակվում է: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը ԱԳՆ․ ԵՄ կողմից շենգենյան վիզայի վճարի չափի հնարավոր փոփոխությունը չի տարածվի ՀՀ քաղաքացիների վրա ԱԳՆ–ն արձագանքել է մամուլում շրջանառվող որոշ տեղեկություններին |