ՀՀ-ում կորոնավիրուսային վիճակը կայուն է, բայց ծանր․ Նոր ԲԿ-ներ են ծավալվում 9 հուլիսի 2020 - 11:41 AMT PanARMENIAN.Net - ՀՀ-ում կորոնավիրուսի վիճակը կայուն է, բայց ծանր, չկա բացասական միտում, սակայն բացակայում է նաև դրականը, երկրում շարունակվում է հիվանդանոցների ծավալումը, հայտարարել է առողջապահության նախարար Արսեն Թորոսյանը։ Նա նշել է, որ տանն իրենց բուժման հերթին սպասող քաղաքացիներ արդեն մի քանի օր է չկան, 13 հոգի սպասում է կորոնավիրուսով զբաղվող հիվանդանոցներ տեղափոխվելուն։ «Այս թվերը նշանակում են, որ պատշաճ բուժօգնության կարիք ունեցողներին այն մատուցվում է, համակարգի ծանրաբեռնվածությունը մնում է լարված այնքանով, որ նոր մարտահրավերը մեծ ռիսկ է պարունակում բոլորիս համար։ Մենք պետք է շարունակենք ծավալված բոլոր հիվանդանոցների ինտենսիվ աշխատանքը, մոտակա շաբաթներին ու ամիսներին կլինեն նոր ծավալումներ»,-ասել է Թորոսյանը։ Նախարարը նշել է, որ ամբողջությամբ ծավալված է Սպիտակի ԲԿ-ն, 120 մահճակալը գրեթե ամբողջությամբ զբաղված է։ Սպասվում է, որ վերջնական կծավալվի նաև Մարտունու ԲԿ-ն։ Թորոսյանի խոսքով՝ ծավալման սպասող վերակենդանացման 3 բաժանմունք կա՝ «Սուրբ Գրիգոր Լուսավորիչ» ԲԿ-ում, «Միքայելյան վիրաբուժության» կենտրոնում և Էրեբունի ԲԿ-ում։ Մոտ մեկ շաբաթից ամբողջությամբ կծավալվի Էրեբունի ԲԿ-ն, ինչը թույլ կտա ընդհանուր պրոֆիլի բոլոր պացիենտներին տեղափոխել մոտ 25 մահճակալանոց վերակենդանացման բաժանմունք՝ գործող 50 մահճակալանոցն ամբողջությամբ կորոնավիրուսից բուժվողներին տրամադրելով։ Թորոսյանը նշել է, որ «Սուրբ Գրիգոր Լուսավորիչ» ԲԿ-ի և Միքայելյան վիրաբուժության կենտրոնի ծավալումներն արագ չեն լինի, դրանք զրոյից են ստեղծվում, իսկ նախնական ժամկետով պատրաստ կլինեն մինչև սեպտեմբեր։ Նախարարի խոսքով՝ կան կանխատեսումներ, որ աշնանը կարող է վարակի բռնկում լինել, նման պարագայում այդ երկու ծավալված ԲԿ-ների ռեսուրսներն անհրաժեշտ կլինեն։ Հայաստանում հուլիսի 9-ի դրությամբ կորոնավիրուսով վարակի դեպքերը հասել են 30,346-ի: Ընդհանուր առմամբ, կորոնավիրուսից մահվան 535 դեպք կա, այլ պատճառով՝ 170։ Առողջացածների ընդհանուր թիվը 18,000 է։ Փաստացի բուժվողների թիվը 11,641 է։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Սիմոնյան. Ռուսական կողմի նամակին պատասխան ուղարկվել է, իմ հայտարարությունների տերն եմ «Ինչ ասել եմ, ճիշտ եմ ասել, նոր բան չեմ ասել, տեղին եմ ասել և նույն բաները պատրաստ եմ այսօր և մշտապես ասել»,–հավելել է նա Սիմոնյան․ ՀՀ-ում իշխանափոխություն հնարավոր է միայն ԱԺ ընտրություններով, որոնք կկայանան 2026-ին Նա նշել է, որ 2018-ին ՀՀ իշխանությունը ձևավորված չէր ընտրությունների միջոցով և ժողովուրդը վերականգնեց իր ընտրելու իրավունքը Բիզնես գաղափարներ` պատանիներից․ 6-րդ Fastex Meetup-ը կայացել է Fastex Meetup հանդիպումների շարքը շարունակական է |