«Սպայկան» ազատել է Մոսկվայի «Ֆուդ Սիթիում» իր տաղավարը25 հուլիսի 2020 - 14:09 AMT PanARMENIAN.Net - «Սպայկա» ընկերությունն ազատել է «Ֆուդ Սիթի» շուկայում ունեցած տաղավարը այն բանից հետո, երբ շուկայի ադրբեջանցի տերերն արգելել էին Հայաստանից ներմուծված միրգ-բանջարեղենի վաճառքն առևտրի կենտրոնում։ Այս մասին հայտնել է ընկերության նախագծերի կառավարման բաժնի ղեկավար Կարեն Բաղդասարյանը, փոխանցում է Armlur.am-ը։ «Մենք իրենց պահվածքից անմիջապես հետո մեր հարաբերությունները խզեցինք և տաղավարն ազատեցինք։ Այսինքն, մենք չենք էլ ուզում իրենց հետ աշխատել ու գումար վճարել»,- ասել է ընկերության ներկայացուցիչը։ Կարեն Բաղդասարյանի խոսքով՝ եթե իրենք չեն թողնում իրենց սեփականության տակ հայկական ապրանքը վաճառվի, ապա դա այդքան էլ մեծ խնդիր չէ։ «Այս ամենն ուղղորդվում է Ադրբեջանի դեսպանատան, հատուկ ծառայությունների կողմից. ազգամիջյան կոնֆլիկտ են ուզում հրահրել Ռուսաստանի տարածքում և դա ոչ մեկին, իհարկե, պետք չէ, հատկապես՝ ռուս հասարակությանը»,- նշել է Բաղդասարյանը։ Հուլիսի 12-ից Տավուշում ադրբեջանական կողմի սանձազերծած ռազմական գործողությունների ֆոնին աշխարհի տարբեր վայրերում ադրբեջանցիները հայերին սադրում են ազգամիջյան բախումների։ Մոսկվայում Ադրբեջանցի միլիարդատերերին պատկանող խոշոր շուկաներում, այդ թվում «Ֆուդ Սիթիում», արգելել էին հայկական մրգերի և բանջարեղենի վաճառքը։ Հայ ֆերմերները պատմում են, որ իրենց առաջարկել էին հանել հայկական տարբերանշանը և անցկացնել շուկա։ Նրանք հրաժարվել էին։ Հուլիսի 18-ին ՀՀ դեսպանատան և գործարարների ջանքերով հայ մատակարարներին գյուղմթերքի իրացման 3 այլ կետ էր առաջարկվել։ Այնուհետև հուլիսի 19-ին ՀՀ դեսպանը հայտնել էր, որ «Ֆուդ Սիթին» համաձայնել է ընդունել հայկական գյուղմթերքը։ Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | Արցախի ՄԻՊ. Արցախցի քաղաքապետերի դեմ քրվարույթները քաղենթատեքստ ունեն Նա պատահական չի համարում, որ այդ անհիմն վարույթները մեկնարկեցին Բագրատ սրբազանի հետ նրանց հանդիպումից հետո «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը |