Կապառոս․ Փորձելու ենք թիմային խաղ ցուցադրել 5 սեպտեմբերի 2020 - 10:41 AMT PanARMENIAN.Net - Հայաստանի ֆուտբոլի ազգային հավաքականը մեծ խանդավառությամբ է մոտեցել Հյուսիսային Մակեդոնիայի հետ կայանալիք խաղին և այս մրցաշարին։ Այդ մասին մրցաշարի մեկնարկային խաղի նախօրեին ասել է հավաքականի գլխավոր մարզիչ Խոակին Կապառոսը՝ հավելելով, որ փորձելու են թիմային խաղ ցուցադրել, տեղեկացնում է ՀՖՖ-ն։ Անդրադառնալով Հենրիխ Մխիթարյանի բացակայությանը՝ Կապառոսն ասել է․ «Բնականաբար, երբ թիմի առաջատարը չի խաղում, դա ազդում է թիմի վրա, բայց ունենք այն, ինչ ունենք։ Պետք է փորձենք կենտրոնանալ մեր խաղային որակների վրա»։ Նա ասել է նաև, որ թիմում կան երիտասարդ ֆուտբոլիստներ, որոնք ապացուցելու շատ բան ունեն, և կփորձեն որքան հնարավոր է լավ հանդես գալ։ «Մեր ազգային թիմում կան ինչպես նորեկներ, այնպես էլ փորձառու խաղացողներ, և բոլորն էլ մեծ սպասումով են մոտենում վաղվա խաղին: Ձգտելու են այս մրցաշարում հասնել բարձր արդյունքների»,-ասել է նա։ Պատասխանելով հարցին, թե պատրաստվո՞ւմ է արդյոք իսպանական «համ ու հոտ» մտցնել Հայաստանի ազգային հավաքականի խաղի մեջ՝ Կապառոսն ասել է․ «Անհնար է իսպանական ֆուտբոլի ոճն ամբողջությամբ ներարկել Հայաստանի ազգային հավաքականի մեջ, քանի որ տարբեր խաղացողների մասին է խոսքը։ Ես աշխատել եմ բարձրակարգ թիմերում, և կաշխատեմ իմ փորձով օգտակար լինել Հայաստանի հավաքականին»։ Սեպտեմբերի 4-ին՝ Հյուսիսային Մակեդոնիայի մայրաքաղաք Սկոպյեի Տոդոր Պրոեսկու անվան մարզադաշտում, կայացավ Հայաստանի ազգային հավաքականի՝ ՈՒԵՖԱ Ազգերի լիգայի C լիգայի 2-րդ խմբի Հյուսիսային Մակեդոնիա - Հայաստան հանդիպման նախախաղային մարզումը։ Հյուսիսային Մակեդոնիա - Հայաստան հանդիպումը տեղի կունենա սեպտեմբերի 5-ին, Երևանի ժամանակով 17։00-ին։ Ուշագրավ Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը | Արցախի ՄԻՊ. Արցախցի քաղաքապետերի դեմ քրվարույթները քաղենթատեքստ ունեն Նա պատահական չի համարում, որ այդ անհիմն վարույթները մեկնարկեցին Բագրատ սրբազանի հետ նրանց հանդիպումից հետո «Լեռնային Ղարաբաղ. վտանգված հայկական ժառանգություն» խորագրով ցուցահանդես՝ Կանադայի խորհրդարանում Ցուցադրվել են կանադահայ լուսանկարիչ Հրայր «Բազե» Խաչերյանի աշխատանքները Փաշինյանը Բաղանիսում և Ոսկեպարում հանդիպումներից հետո հասել է Կիրանց Կիրանցում լարված իրավիճակ է, գյուղում է նաև ոստիկանապետը ԱԺ պատվիրակությունը մասնակցում է ՆԱՏՕ-ի խորհրդարանական վեհաժողովի աշխատանքներին Պատվիրակությունը գլխավորում է Անդրանիկ Քոչարյանը |