5 մլն հայ ու ՀՆԱ 20-ապատկում․ Փաշինյանը՝ երկրի 30 տարվա ռազմավարության մասին21 սեպտեմբերի 2020 - 13:21 AMT PanARMENIAN.Net - Մինչև 2050 թվականը Հայաստանի բնակչությունը պետք է լինի առնվազն 5 մլն, 1․5 մլն նոր աշխատատեղ պետք է ստեղծվի, աղքատությունը պետք է հաղթահարվի, հայտարարել է ՀՀ վարչապետ Նիկոլ Փաշինյանը Հայաստանի վերափոխման մինչև 2050 թվականի ռազմավարությունը ներկայացնելիս։ Փաշինյանի խոսքով՝ խնդիր կա մինչև 2050-ը ՀՀ-ում միջին աշխատավարձը յոթնապատկելու, իսկ համախառն ներքին արդյունքը՝ քսանապատկելու։ Նախատեսվում է նաև մինչև 2050 թվականը կյանքի սպասվող տևողությունը հասցնել 90 տարվա, իսկ առողջ ապրելակերպը՝ ազգային հատկանիշ։ Վարչապետի խոսքով՝ ՀՀ-ի առջև դրված խնդիրներից է նաև մինչև 2050 թվականը մեկ շնչի հաշվով աշխարհի ամենամարտունակ բանակ, աշխարհում 10 ամենաարդյունավետ հետախուզական ծառայություն ունենալը։ Անդրադառնալով նման ռազմավարության անհրաժեշտությանը՝ Փաշինյանն առաջարկել է այսօրվան նայել 30 տարի առաջվա աչքերով ու նշել է, որ նման ռազմավարություն պետական մակարդակով չի եղել։ Ըստ վարչապետի՝ նաև դրանով է պայմանավորված ՀՀ-ի այսօրվա ունեցած խնդիրները։ «Հայաստանի վերափոխման ռազմավարությունը մեզ համար շատ կարևոր է՝ հասկանալու, թե ինչ ենք ուզում, ուր ենք գնում և ինչպիսին ենք պատկերացնում մեր հայրենիքը 2050 թվականին»,-հայտարարել է նա՝ հավելելով, որ ռազմավարությունը ոչ միայն բարեփոխումների, այլ նաև վերափոխումների մասին է։ Ըստ Փաշինյանի՝ մինչև 2050-ը ՀՀ-ի վերափոխման ռազմավարությունը պետք է հիմնված լինի պետության հավիտենականության գաղափարի վրա, արժևորի ՀՀ քաղաքացուն, ազգային, պետական ինքնության կերտման, համահայկական ներուժի օգտագործման և մի շարք այլ արժեքների վրա։ Ուշագրավ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը Քո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար Առաջարկից օգտվելու համար անհրաժեշտ է Ամերիաբանկի կայքում լրացնել համապատասխան հայտը |