Հովհաննիսյան․ 100-120 վիրավոր ունենք, նրանց թիվը նվազել է, որոշները շարք են վերադարձել 28 սեպտեմբերի 2020 - 17:47 AMT PanARMENIAN.Net - Արցախում Ադրբեջանի հրահրած ագրեսիայի հետևանքով սեպտեմբերի 28-ի երեկոյի դրությամբ հայկական կողմն ունի մոտ 100-120 վիրավոր, նրանց թիվը նվազել է, մեծ մասը թեթև վնասվածքներ էին ստացել ու շարք են վերադարձել, հայտարարել է պաշտպանության նախարարության ներկայացուցիչ Արծրուն Հովհաննիսյանը։ Ավելի վաղ մոտ 200 վիրավորի մասին էր հայտարավել։ Նա նշել է, որ ադրբեջանական կողմի կորուստները ճշտվում են։ Հովհաննիսյանը հիշեցրել է, որ Արցախում շփման գծի ամբողջ երկայնքով շարունակվում են մարտական գործողությունները տարբեր ինտենսիվությամբ, մարտերի կիզակետը շարունակում են լինել հյուսիսային ու հարավային ուղղությունները։ Հայ-ադրբեջանական սահմանին սեպտեմբերի 27-ից հետո մարտերը չեն շարունակվել։ Հովհաննիսյանի խոսքով՝ սեպտեմբերի 28-ի առավոտից Ադրբեջանը՝ հրետանային միջոցներ կիրառելով, նոր հարձակումներ է սկսել, դրանք հետ են մղվում՝ հակառակորդին զգալի կորուստներ պատճառելով։ Նա նշել է, որ օրվա ընթացքում հրետակոծվել են հայկական բնակավայրեր, մասնավորապես՝ Մարտակերտը, որոշ բնակավայրերում նաև լրագրողներ են կրակի տակ ընկել։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 58 զոհ կա: Ճշտված տեղեկություններով՝ ադրբեջանական կողմն ունի մոտ 200 մարդկային կորուստ, կորցրել են նաև մոտ 30 զրահատեխնիկա և 20 ԱԹՍ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
