Մարտիրոսյան․ Ինչպես վարվել սոցցանցերում 1 հոկտեմբերի 2020 - 18:16 AMT PanARMENIAN.Net - Տեղեկատվական անվտանգության փորձագետ Սամվել Մարտիրոսյանը ներկայացրել է, թե ինչպես է պետք գործել սոցցանցերում՝ անձնական տվյալների արտահոսքից խուսափելու և հակառակորդին չօգնելու համար։ Նրա խոսքով՝ երբ հրապարակում են տեխնիկայի շարժը կամ Արցախից դեպի ՀՀ շարժվող քաղաքացիների տվյալները, կամ տեղեկություններ՝ որքան մարդ, որտեղից ուր է գնում, թույլ են տալիս թշնամու հետախուզությանը վերահսկել իրավիճակը։ Ըստ մասնագետի՝ պետք չէ նաև հրապարակել զինծառայողների հեռախոսահամարներն ու լուսանկարները՝ նշելով, որ նրանից լուրեր չկան։ «Առավոտի» փոխանցմամբ՝ Մարտիրոսյանն ասել է, որ պետք է նաև խուսափել ֆեյսբուքյան փակ խմբերում այդ տվյալներով փոխանակումից, քանի որ փաստացի սոցիալական հարթակում փակ խումբ գոյություն չունի։ «Եթե պետք է փակ խումբ բացել, ապա շատ ավելի վերահսկելի է Տելեգրամը, այնտեղ ավելի քիչ է կոտրելու հնարավորությունը»,- նշել է նա։ Դիտարկմանը, թե հաշվի առնելով, որ Ադրբեջանում սահմանափակված է Facebook-ը, Instagram-ը և այլ սոցցանցեր, չի՞ նշանակում, օրինակ, որ այդ հարթակներն ավելի ապահով են դարձել, Մարտիրոսյանը պատասխանել է. «Twitter-ն ավելի ապահով է: Եթե ենթադրում եք, որ սոցցանցերն արգելափակվում են հասարակ քաղաքացիների համար, ապա պետք է հասկանալ, որ իրենց հատուկ ծառայություններն ունեն մուտքեր, և արգելափակումներն էլ մեծ բան չեն արդեն՝ VPN-ներն էլ են փորձում այնտեղ արգելափակել, DNS-ներն էլ: Այնպես որ՝ մտածել, որ եթե այնտեղ մի բան փակեցին, այստեղ ավելի ապահով ենք, այդպես չէ»: Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |