Ինչպես է ադրբեջանական լոբբիստական ցանցը Վաշինգտոնում առաջ տանում ԼՂ հարցով Բաքվի դիրքորոշումը12 հոկտեմբերի 2020 - 23:32 AMT PanARMENIAN.Net - Վերջին տարիներին Ադրբեջանն ակտիվացրել է իր լոբբիստական գործունեությունն ԱՄՆ-ում, այն միանգամից աշխատում է 6 ընկերության հետ, որոնց թվում են Livingston Group, Stellar Jay Communications, BGR, Podesta Group և DLA Piper լոբբիստները։ 2019-ին երկիրը լոբբինգի վրա ծախսել է $1․3 միլիոն: Ըստ The American Conservative-ի՝ տարիներով Ադրբեջանի հաշվին լոբբիստները հանդիպել են համալսարանների, վերլուծական կենտրոնների, Կոնգրեսի անդամների հետ։ Նրանց կազմակերպել են բարենպաստ հոդվածների տպագրություն այնպիսի խմբագրություններում, ինչպիսիք են The Hill-ը, Washington Times-ը, Daily Caller-ը, National Review-ն, Washington Post-ը, New York Times-ը: Ընդ որում, դրանք ի սկզբանե տպագրվում էին՝ առանց հեղինակների Ադրբեջանի հետ ֆինանսական կապերը բացահայտելու։ Այդ ընկերությունները, ըստ օրենքի, հայտարարագրում են իրենց գործունեության ոլորտի մասին փաստաթղթեր, որոնցից պարզ է դառնում՝ ինչ բնույթի ծառայություններ են մատուցում։ Ընկերություններն, իրենց որակմամբ, տարածում են «տեղեկատվական նյութեր», սակայն դրանք ավելի ճիշտ է որակել քարոզչություն։ Դրանք ընգծում են Հայաստանի «սադրիչ գործողությունները», հակամարտության մեջ նրա «անօրինական» դերը, Հայաստանի՝ «ադրբեջանցի խաղաղ բնակիչներին, երեխաներին սպանելը», «Հայաստանի ղեկավարների՝ խաղաղ կարգավորման գործընթացի ակտիվ խարխլումը»: Իսկ Կոնգրեսում լոբբիստների շրջանառված փաստաթղթերում անհավանական պնդումներն ավելի շատ են, նշվում է, որ «Հայաստանը երկար ժամանակ ներգրավված է եղել Մերձավոր Արևելքի ահաբեկչությանը», «Ադրբեջանը հետևողական է եղել հակամարտության մեջ բեկումնային և առարկայական բանակցություններ վարելու հարցում», իսկ «Թուրքիան ուղղակիորեն ներգրավված չէ հակամարտությանը և հայ-ադրբեջանական հակամարտության կողմ չէ»: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | ՔԿ․ Զինծառայողը մահացել է զորավարժարանում` զինտեխնիկան պատահական բախվել է «Ուրալին» Նշանակվել է դատաբժշկական փորձաքննություն Երևանում կեսօրին բերման է ենթարկվել անհնազանդության ակցիաների 240 մասնակից «Տավուշը հանուն հայրենիքի» շարժման աջակիցները վաղ առավոտից փակել են մի շարք փողոցներ Բագրատ սրբազանը կպահպանի իր նվիրապետական աստիճանը «Ինձ կարգալույծ չեն արել»,–ասել է նա Դեբեդի վարարման հետևանքով կան փակ ճանապարհներ Փակ է Վանաձոր – Ալավերդի – Այրում - Բագրատաշեն ճանապարհը |