  WSJ. Թուրքիայի միջոցով ևս հարյուրավոր զինյալներ կմիանան Ադրբեջանին ԼՂ գոտում 14 հոկտեմբերի 2020 - 13:40 AMT PanARMENIAN.Net - Թուրքիայի դաշնակից սիրիական զինված խմբավորումներից հարյուրավոր մարտիկներ միացել են Ադրբեջանին՝ Լեռնային Ղարաբաղի հակամարտության գոտում կռվելու, հարյուրավորները պատրաստվում են տեղափոխմանը: The Wall Street Journal-ը գրում է, որ Թուրքիան՝ տեղակայելով իր սեփական զորքերը և սիրիացի վարձկաններին, արդեն մեծացրել է ազդեցությունը որոշ տարածաշրջաններում։ Պարբերականի հետ զրույցում սիրիացի զինյալներից մեկն ասել է, որ սիրիացիներն Ադրբեջան են մեկնում սեպտեմբերի կեսից՝ միանգամից 100-հոգանոց խմբերով: Մեկ այլ սիրիացի էլ պատմել է, որ հարյուրավոր մարդիկ անհետ կորած են, իսկ տասնյակ մարդիկ վերադարձել են` կատաղի մարտերից տագնապած։ Զինյալը, որը մեկնելու է Ադրբեջան, գնալու է Թուրքիա, որտեղից չարտերային թռիչքներով վարձկանները տեղափոխվում են Ադրբեջան: Ադրբեջանի կողմից կռվող սիրիացի տղամարդկանց հետ կապ ունեցող աղբյուրն ասել է, որ այնտեղ սիրիացիների կորուստներն արագորեն աճում են, «դժոխքից» հետ վերադառնալու ցանկություն հայտնել է արդեն 200 մարդ։ Դեռ սեպտեմբերի 27-ից առաջ Հայաստանը հայտարարել էր, որ իր տեղեկություններով՝ Թուրքիան Ադրբեջան սիրիացի վարձկաններ է տեղափոխել։ Թուրքիան և Ադրբեջանը հերքում են այդ լուրերը, մինչ զուգահեռ միջազգային մամուլում և սոցցանցերում դրանք հաստատող բազմաթիվ վկայություններ և տեսանյութեր են հայտնվում։ Մարդու իրավունքների սիրիական դիտարանի տվյալներով` հոկտեմբերի 10-ի դրությամբ Թուրքիայի կողմից մատակարարված 107 սիրիացի զինյալ է սպանվել Ադրբեջանում։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Հրետակոծություններից վիրավորվել են նաև տեղացի և ֆրանսիացի լրագրողներ։ ՀՀ-ում և Արցախում ռազմական դրություն է հայտարարված։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
