  Փարիզ․ ԼՂ-ում զինադադարի հարցով միջնորդել է Ֆրանսիան 17 հոկտեմբերի 2020 - 23:57 AMT PanARMENIAN.Net - Ֆրանսիայի Ելիսելյան պալատը ողջունել է Լեռնային Ղարաբաղի հակամարտության գոտում հոկտեմբերի 18-ի կեսգիշերից հայտարարված մարդասիրական զինադադարը, որին հաջողվել է հասնել նաև «Փարիզի միջնորդությամբ»։ «Հանրապետության նախագահը ողջունում է ԵԱՀԿ Մինսկի խմբի համանախագահների հետ կոորդինացված ֆրանսիական միջնորդությունից հետո Հայաստանի և Ադրբեջանի կողմից համատեղ հայտարարված մարդասիրական զինադադարը։ Այն պետք է անվերապահորեն և խստորեն պահպանվի երկու կողմից», - ասվում է հաղորդագրության մեջ։ Ինչպես հայտնում է AFP-ն՝ Ֆրանսիայի նախագահ Էմանուել Մակրոնին հղումով՝ «երկու կողմը պետք է զինադադարը պահպանեն խստորեն և առանց նախապայմանների»: Նա նշել է նաև, որ իր երկիրը հետևելու է մեծ ուշադրությամբ և շարունակելու է ներգրավված մնալ։ Մակրոնը տեղեկացրել է, որ հոկտեմբերի 17-ին մի շարք հեռախոսազրույցներ է ունեցել ՀՀ վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հետ: Ավելի վաղ հայտարարվեց, որ Հայաստանը և Ադրբեջանը որոշել են հոկտեմբերի 18-ին՝ տեղական ժամանակով 00:00-ից, հաստատել մարդասիրական զինադադար։ Նշվում է, որ որոշումը կայացվել է՝ ի շարունակություն ԵԱՀԿ Մինսկի խմբի համանախագահ երկրները ներկայացնող Ֆրանսիայի, Ռուսաստանի և Ամերիկայի Միացյալ Նահանգների նախագահների հոկտեմբերի 1-ին արված հայտարարության, ԵԱՀԿ Մինսկի խմբի համանախագահների հոկտեմբերի 5-ի արված հայտարարության և համաձայն հոկտեմբերի 10-ին Մոսկվայում ընդունված համատեղ հայտարարության: Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է լայնածավալ հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ երկրի ամբողջ տարածքում։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
