Հս. Կիպրոսում նախագահի ընտրությունում հաղթել է Էրդողանի թեկնածուն

PanARMENIAN.Net - Միջազգայնորեն չճանաչված Հյուսիսային Կիպրոսի Թուրքական Հանրապետությունում նախագահական ընտրությունների երկրորդ փուլն ավարտվել է թուրքամետ թեկնածու Էրսին Թաթարի հաղթանակով:

«Թաթարական ազգային միաբանություն» կուսակցության առաջնորդն ունի Թուրքիայի նախագահ Ռեջեփ Թայիփ Էրդողանի աջակցությունը և կողմնակից է Կիպրոսի կղզում երկու պետության գոյությանը։ Ի տարբերություն Թաթարի՝ նրա մրցակիցը՝ պաշտոնաթող նախագահ Մուստաֆա Աքինջին, կողմնակից է միավորմանը։

Թաթարը, ըստ հայտարարված արդյունքների, ստացել է ձայների մոտ 51․7%-ը, Աքինջին՝ ավելի քան 48%-ը: Նիկոսիայի իշխանություններն ընտրությունները օրինական չեն ճանաչում:

Կղզու տարածքը երկու մասի է բաժանված։ 1983-ին հյուսիսային մասի մեկ երրորդից ավելին անցել է ինքնահռչակ Հյուսիսային Կիպրոսի Թուրքական Հանրապետության (բնակչությունը՝ մոտ 300,000 մարդ) իշխանությունների վերահսկողության տակ, որը ճանաչում է միայն Թուրքիան։ Իսկ հարավում երկու երրորդը՝ Նիկոսիա մայրաքաղաքով, գտնվում է միջազգայնորեն ճանաչված Կիպրոսի Հանրապետության վերահսկողության տակ։

Ըստ BBC-ի՝ Թաթարի հաղթանակը, անկասկած, ավելի կբարդացնի Կիպրոսի ապագայի վերաբերյալ հյուսիս-հարավ բանակցությունները, այդ թվում՝ Արևելյան Միջերկրական ծովում բնական գազի հանքավայրերի շուրջ, որին հավակնում է Թուրքիան։