Հետազոտություն․ Ինչպես է համաշխարհային մամուլը լուսաբանում ԼՂ հակամարտությունը29 հոկտեմբերի 2020 - 20:16 AMT PanARMENIAN.Net - Lexis Nexis ընկերությունն ուսումնասիրել է միջազգային մամուլում սեպտեմբերի 20-ից հոկտեմբերի 20-ը Լեռնային Ղարաբաղի խնդրի լուսաբանումը։ Այսպիսով՝ ամենից ակտիվը հիմնահարցը լուսաբանում են Ռուսաստանում (ավելի քան 82,000 հրապարակում մեկ ամսում) և ԱՄՆ-ում (մոտ 27,000)։ Այնուհետև հաջորդում են եվրոպական երկրները. Մեծ Բրիտանիան (մոտ 15,000), Գերմանիան (12,900) և Մինսկի խմբի համանախագահ երրորդ երկիրը՝ Ֆրանսիան (6000)։ Իսկ Թուրքիայում, որը ներգրավված է կոնֆլիկտում և իրեն համարում է հակամարտության կողմ, մոտ 2200 անգամ են անդրադարձել թեմային։ Ղազախական մամուլը ԼՂ-ն հիշատակել է 145 անգամ, ուկրաինականը՝ 1949, իրանականը՝ 966, չինականը՝ 857, վրացականը՝ 252, իսրայելականը՝ 240։ Հետազոտության հեղինակները գրում են, որ ռուսական անդրադարձերի 91%-ը հավասարակշռված է, սակայն միաժամանակ կարծում են, որ Կրեմլը մինչ այժմ չի էլ ջանացել կարգավորել Ղարաբաղի երկարատև հիմնախնդիրը, ընդհակառակը, դրա սառեցված վիճակը համընկնում է տարածաշրջանում Մոսկվայի շահերի հետ: Նշվում է, որ ամերիկյան լրատվամիջոցների համար հակամարտության լուսաբանումը առաջնահերթություններից չէ, դրանք հիմնականում նախընտրությունները տալիս են ընտրությունների թեմային, համաճարակին, ինչպես նաև Սուդանի և Իսրայելի շուրջ իրավիճակին: Իսկ թեև ԱՄՆ-ն երկրորդ ամենաակտիվ լուսաբանողն է, հեղինակավոր պարբերականներին բաժին է ընկնում միայն 3%-ը։ Ամերիկյան մամուլում հայամետ հրապարակումները կազմում են 8%, մինչդեռ ադրբեջանամետ հրապարակումներ գործնականում չկան, մոտ 90%-ը չեզոք է: Ֆրանսիական մամուլը բացարձակ հայամետ է, 58%-ը չեզոք հրապարակումներ են։ Չեզոք են Մեծ Բրիտանիայի և Գերմանիայի ԶԼՄ-ները։ Չինական լրատվամիջոցները զուսպ են, հիմնականում շեշտը դնում են Ռուսաստանի և Թուրքիայի գործոնի վրա։ Իրանական ԶԼՄ-ները մեծամասամբ չեզոք դիրք ունեն, Ադրբեջանի հասցեին քննադատությունը կազմում է 8%, հայերի հանդեպ՝ 9%: Վրացական լրատվամիջոցները հավասարապես քննադատում են թե Հայաստանին, թե Ադրբեջանին (8-ական %), 84%-ը չեզոք է: Իսրայելական մամուլում 34%-ով քննադատվում է Հայաստանը, 4%-ով՝ Ադրբեջանը։ Հրապարակումների 62-63%-ը չեզոք են։ Ուկրաինայում 30% դեպքերում բացասական է արձագանքը Հայաստանի հասցեին, 31%-ում դրական՝ Ադրբեջանի։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։ Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Մախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |