Նյու Յորքի Մետրոպոլիտեն թանգարանի կոչը՝ պաշտպանել ԼՂ-ի հայկական մշակութային ժառանգությունը![]() 18 նոյեմբերի 2020 - 16:26 AMT PanARMENIAN.Net - Նյու Յորքի Մետրոպոլիտեն արվեստի թանգարանը (The Metropolitan Museum of Art) հորդորել է պաշտպանել Լեռնային Ղարաբաղում գտնվող հայկական մշակութային կոթողները։ Թանգարանից հայտարարել են, որ ԼՂ-ում տեղի ունեցած արյունահեղությունը գլոբալ ողբերգություն է, լուրջ անհանգստություն է առաջացնում։ Հայտարարության մեջ նշվում է նաև, որ 2018-ին կազմակերպված Armenia! անունը կրող ցուցադրությունն առաջինն էր թանգարանում՝ նվիրված 14-րդ դարի հայկական գեղարվեստական ու մշակութային ժառանգությանը։ «Մենք սարսափով ու տխրությամբ էինք հետևում Լեռնային Ղարաբաղում տեղի ունեցող բռնություններին ու արյունահեղությանը։ Ներգրավված կողմերին խնդրում ենք հարգանքով վերաբերվել միջազգային մշակութային ժառանգությանը, որ հարստացնում է մեր աշխարհն ու պահպանվել է հազարամյակներ շարունակ։ Մշակութային ժառանգությունների ոչնչացումն անդառնալի կորուստ է և ապագա սերունդների համար լուրջ կորուստ»,- հայտարարել են թանգարանից։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ են առնում իրենց զբաղեցրած դիրքերում: Իսկ ՌԴ խաղաղապահները տեղակայվում են ԼՂ շփման գծի երկայնքում և Հայաստանի հետ կապող միջանցքում: ![]() ![]()
Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին
Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին ![]() ![]() ![]() | ![]() ![]() ![]() ![]() ![]() ![]() ![]() ![]() |