  Բելգիայի խորհրդարանի կոմիտեի կոչը՝ դուրս բերել ադրբեջանական ուժերը ԼՂ-ից և որոշել տարածաշրջանի կարգավիճակը 3 դեկտեմբերի 2020 - 10:37 AMT PanARMENIAN.Net - Բելգիայի Դաշնային խորհրդարանի արտաքին հարաբերությունների հանձնաժողովը հավանություն է տվել բանաձևին, որով «դատապարտում է Ադրբեջանի և Թուրքիայի ագրեսիան Լեռնային Ղարաբաղի դեմ և կոչ է անում շուտափույթ որոշել ԼՂ վերջնական կարգավիճակը»։ Բանաձևի տեքստում նշվում է, որ «հրադադարի մասին նոյեմբերի 9-ի հայտարարությունը չի լուծել տարածաշրջնում առկա լուրջ խնդիրները»։ Խորհրդարանականները դատապարտել են «Թուրքիայի և օտարերկրյա վարձկանների աջակցությամբ Ադրբեջանի ագրեսիան Լեռնային Ղարաբաղի դեմ»։ Բանաձևը կոչ է անում դուրս բերել ադրբեջանական ուժերը Լեռնային Ղարաբաղից և վերադառնալ ԵԱՀԿ Մինսկի խմբի շրջանակում տարածաշրջանի կարգավիճակի շուրջ բանակցություններին, գրում է ՏԱՍՍ-ը։ Նաև կոչ է արվում ամեն ինչ անել, որպեսզի Թուրքիան դադարեցնի իր միջամտությունը Ղարաբաղի շուրջ ստեղծված իրավիճակին և զերծ մնա «տարածաշրջանում ապակայունացնող դերակատարումից»։ Խորհրդարանականները նաև կարծում են, որ Ղարաբաղում պետք է լինեն միջազգային ուժեր, այդ թվում «աջակցելու համար խաղաղության պահպանմանը և ռազմական հանցագործությունների հետաքննմանը»։ Նրանք նաև կոչ են արել Բելգիայի կառավարոթյանը ԵՄ հետ համատեղ հումանիտար օգնություն ցուցաբերել ղարաբաղցի փախստականներին։ Բանաձևով նաև կոչ է արվում հետաքննել ռազմական հանցագործությունները և մեղավորներին պատասխանատվության ենթարկել։ Պատգամավորները պահանջել են նաև վերադարձնել գերիներին և փոխանակել զոհվածների մարմինները՝ ըստ Ժնևի կոնվենցիայի։ Այժմ բանաձևը պետք է դրվի դաշնային խորհրդարանի ընդլայնված նիստի հաստատման, որից հետո այն պետք է քննարկի երկրի կառավարությունը։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ առան իրենց զբաղեցրած դիրքերում: Իսկ ՌԴ խաղաղապահները տեղակայվեցին ԼՂ շփման գծի երկայնքում և Հայաստանի հետ կապող միջանցքում: Պատերազմի ընթացքում հայկական կողմը տարածքային կորուստներ ունեցավ որոշ ուղղություններով, այդ թվում կորցրեց Շուշին։ Բացի այդ, ըստ եռակողմ հայտարարության, հայկական կողմը հետ քաշեց զորքերը Աղդամից, Քարվաճառից և Լաչինից։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
