  HRW. Ադրբեջանում հայ ռազմագերիներն անմարդկային վերաբերմունքի են արժանանում 3 դեկտեմբերի 2020 - 10:58 AMT PanARMENIAN.Net - Human Rights Watch կազմակերպությունը զեկույց է հրապարակել ադրբեջանցիների կողմից հայ ռազմագերիների իրավունքների խախտման, նրանց նվաստացման, հոգեբանական և ֆիզիկական բռնության ենթարկելու մասին։ Նշվում է, որ ադրբեջանական ուժերը անմարդկային վերաբերմունք են ցուցաբերել բազմաթիվ էթնիկ հայ զինվորականների նկատմամբ, նրանց ծեծել, խոշտանգել, ստիպել են համբուրել Ադրբեջանի դրոշը, գովել Ադրբեջանի նախագահին, հայտարարել` «Ղարաբաղն Ադրբեջան է», հայհոյել Հայաստանի վարչապետին։ Տեսանյութերում ադրբեջանցիների դեմքերը երևում են, ինչը, ըստ կազմակերպության, կարող է վկայել այն մասին, որ նրանք չեն վախենում պատասխանատվությունից։ Զեկույցին անդրադարձել է նաև ՀՀ մարդու իրավունքների պաշտպան Արման Թաթոյանը։ Նա արձանագրել է, որ կազմակերպությունը հատուկ նշում է արել` ադրբեջանական զինված ուժերը հայ գերիների նկատմամբ կիրառել են հարկադրանք՝ ունենալով նրանց նվաստացնելու դիտավորություն: HRW-ն ուսումնասիրել է բազմաթիվ տեսանյութեր, զրուցել գերիների ընտանիքի անդամների հետ։ Սեպտեմբերի 27-ից նոյեմբերի 10-ը Լեռնային Ղարաբաղում թուրք-ադրբեջանական ուժերի սանձազերծած պատերազմ է ընթացել։ Այն ավարտվել է նոյեմբերի 10-ի ՀՀ, ՌԴ, Ադրբեջանի ղեկավարների ստորագրած եռակողմ հայտարարությամբ։ Այդ հայտարարության կետերից մեկով կողմերը պետք է փոխանակեն զոհվածների մարմիններն ու գերիներին։ Վարչապետ Նիկոլ Փաշինյանը հայտնել է, որ գերիների փոխանակումը կկատարվի մարմինների փոխանակումից հետո։ Այդ գործընթացը սկսված է։ Ավելի ուշ հայկական կողմն ահազանգել է ադրբեջանցիների կողմից այս գործընթացն արհեստականորեն ձգձգելու մասին։ Ադրբեջանը և Հայաստանը հայտարարություններով արձանագրել են, որ կողմ են «բոլորը՝ բոլորի դիմաց» սկզբունքով փոխանակման։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
