Ավելի քան 3000 միավոր զենքի թույլտվություն՝ 11 ամսում 9 դեկտեմբերի 2020 - 17:42 AMT PanARMENIAN.Net - 2020-ի հունվարի 1-ից մինչև նոյեմբերի 30-ը ՀՀ ոստիկանությունը տվել է 357 գազային զենք, 606 ակոսափող և 2517 ողորկափող որսորդական հրազեն ձեռք բերելու թույլտվություն։ Այս մասին PanARMENIAN.Net ին ասացին` ի պատասխան ոստիկանություն ուղարկված հարցման։ Դրա ամենակարևոր՝ երկրորդ մասին, սակայն, ուժային կառույցից չեն պատասխանել։ Խնդրել էինք տեղեկություններ հայտնել առաջին անգամ զենքի թույլտվություն ստացած մարդկանց թվի և ամսական կտրվածքով տրված թույլտվությունների վերաբերյալ։ Այդ տվյալների ձեռքբերումը նպատակ ուներ պատկերացում կազմելու՝ արդյոք բնակչությունը սկսել է առավել ակտիվ զենք ձեռք բերել պատերազմի ընթացքում կամ դրանից հետո՝ հաշվի առնելով ապօրինի զենքի անկանոն հոսքերն Արցախից ու հանցավորության աճի հետ կապված մտավախություները։ «Ինչ վերաբերում է քաղաքացիներին թույլտվություն առաջին անգամ տալու և ամիս առ ամիս նշված տեղեկությունը ներկայացնելու խնդրանքին, ապա հայտնում ենք, որ ՀՀ ոստիկանության ՀԱԱԳ վարչությունում նման հաշվառում չի տարվում»,- նշված է պատասխանում։ Պատերազմը դադարեցնելու նոյեմբերի 10-ի լույս գիշերվա եռակողմ՝ ՀՀ-Ադրբեջան-Ռուսաստան հայտարարությունից հետո երկրում իրավիճակը շարունակում է լարված մնալ։ ՀՀ վարչապետ Նիկոլ Փաշինյանի աջակիցների և հրաժարականը պահանջողների ցույցերը շարունակվում են։ Միաժամանակ, Ռազմական ոստիկանությունը հայտարարել էր, որ ռազմաճակատից վերադարձած բազմաթիվ քաղաքացիներ դեռ չեն վերադարձել իրենց ստացած զենք-զինամթերքը։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
