Ցեղասպանություն թանգարան-ինստիտուտի 26 աշխատակից միացել է Փաշինյանի հրաժարականի պահանջին 30 դեկտեմբերի 2020 - 12:44 AMT PanARMENIAN.Net - «Հայոց ցեղասպանություն թանգարան-ինստիտուտ» հիմնադրամի 26 աշխատակից միացել է վարչապետ Նիկոլ Փաշինյանի հրաժարականի պահանջին, ֆեյսբուքյան իր էջում գրել է ինստիտուտի ավագ գիտաշխատող Ռոբերտ Թաթոյանը։ Նա նշել է, որ իրենք միանում են Գիտությունների ազգային ակադեմիայի նախագահության հայտարարությանը։ «Ստեղծված իրավիճակում անարդյունավետ ենք համարում ՀՀ կառավարության հետագա պաշտոնավարումը և պահանջում կառավարության հրաժարականը հանրապետության վարչապետի գլխավորությամբ»,-հայտարարել էին ԳԱԱ-ից։ ԳԱԱ-ից նոյեմբերի 10-ի հայտարարությունը որակել էին որպես «հայ ժողովրդի համար նվաստացուցիչ փաստաթուղթ», դատապարտել էին գիտության նկատմամբ «իշխանությունների կրավորական վերաբերմունքը, որի արդյունքում անհնարին դարձավ երկրի պաշտպանական համակարգում ժամանակակից գիտատեխնիկական նվաճումների կիրառումը», անթույլատրելի համարել թշնամության ու վրեժխնդրության սերմանումը։ Նոյեմբերի 10-ի եռակողմ հայտարարությունից հետո Հայաստանում ընդդիմադիրները պահանջում են վարչապետ Փաշինյանի հրաժարականը, նույն պահանջով ցույցեր ու հանրահավաքներ անցկացնում։ Ավելի վաղ վարչապետը քաղուժերին արտահերթ ընտրություններ անցկացնելու համար խորհրդակցությունների էր հրավիրել։ Դրանից հետո ԲՀԿ-ն հայտարարել էր, որ իր դիրքորոշումը չի փոխվել, ԼՀԿ-ն ևս նույնն էր ակնարկել։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
