Փաշինյան․ Պետկառավարման համակարգը ռեստարտի կարիք ունի, դա պետք է վարչապետի աշխատակազմից սկսվի19 հունվարի 2021 - 17:23 AMT PanARMENIAN.Net - Պատերազմի հետևանքներով հանրության նման՝ պետական կառավարման համակարգն էլ ինչ-որ առումով շոկի մեջ է հայտնվել, ռեստարտի անհրաժեշտություն ունի, դա միանշանակ պետք է սկսվի վարչապետի աշխատակազմից և այդ խնդիրը դրվում է աշխատակազմի ղեկավար Արսեն Թորոսյանի առջև, հայտարարել է վարչապետ Նիկոլ Փաշինյանը՝ աշխատակազմի նոր ղեկավարին ներկայացնելիս: Հոկտեմբերի 18-ին վարչապետի աշխատակազմի ղեկավար Էդուարդ Աղաջանյանն ազատվել էր պաշտոնից, նրա փոխարեն նշանակվել էր առողջապահության նախկին նախարար Արսեն Թորոսյանը։ Վարչապետն աշխատակազմին է ներկայացրել նորանշանակ ղեկավարին: «Ընդհանրապես մենք բոլորս և պետական կառավարման համակարգը՝ որպես երկրի իրավիճակի պատասխանատու, շատ ծանր ժամանակներ ենք ապրել: Պատերազմական շրջանը բոլորիս համար չափազանց բարդ և ծանր մի շրջան էր: Եվ հիմա էլ հետպատերազմյան շրջանն ունի իր բազմաթիվ բարդություններն ու մարտահրավերները, որոնց պետք է արդյունավետ կառավարել: Պետք է չթաքցնել, որ այո՛, պատերազմի հետևանքներով հանրության նման՝ պետական կառավարման համակարգն էլ ինչ-որ առումով շոկի մեջ է հայտնվել, իհարկե, չեմ կարող ասել, որ հիմա նույն իրավիճակն է, ինչ, օրինակ, նոյեմբերին, բայց, ընդհանուր առմամբ, կարող ենք արձանագրել, որ պետական կառավարման համակարգը ռեստարտի անհրաժեշտություն ունի, և այդ ռեստարտը միանշանակ պետք է սկսվի վարչապետի աշխատակազմից»,- ասել է վարչապետը: Փաշինյանը նշել է, որ այս իրավիճակում պետական կառավարման նոր նշաձող է պետք դնել, որը, ըստ էության, հանրությանը մատուցվող ծառայություն է, և այդ ծառայության որակը պետք է բերել բոլորովին նոր մակարդակի։ Ուշագրավ Նա ասել է, որ բաց է հանդիպումների համար Այցը ներառում էր կլոր սեղան-քննարկում, ելույթներ ԶԼՄ-ներում և հանդիպումներ պաշտոնյաների և բիզնեսի ղեկավարների հետ Ծանուցումների պաշտոնական կայքում ծանուցագրի քաղվածքը տեղադրելու 10-րդ օրը քաղաքացին համարվում է պատշաճ ծանուցված Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Ամենաընթերցվողը բաժնում | ՀՀ և ԱՄՆ մաքսային մարմինները կգործակցեն Ակնկալվում է, որ համաձայնագրի ստորագրումը մեծապես կնպաստի մաքսային իրավախախտումների հայտնաբերմանը ՌԴ ԱԳՆ․ ՀՀ-ում ընթացող բողոքի ակցիաներն այդ երկրի ներքին գործն են Նա հավելել է, որ ՌԴ–ն տրամադրված է Հայաստանի հետ բարեկամական հարաբերությունների զարգացմանը Զախարովա․ ՌԴ–ն, որպես ՀՀ դաշնակից, միշտ պատրաստ է օգնել Նա նաև ասել է, որ ՀՀ իշխանությունները դրական են արձագանքել ՌԴ աջակցությանը Մեքենաների կատալիզատորների կերամիկական թափոնների արտահանման արգելքը 6 ամսով կերկարաձգվի Դա պայմանավորված է ՀՀ-ում շրջակա միջավայրի պաշտպանության մակարդակի բարձրացումով |