  ԶԼՄ․ Ռոումինգը ԵԱՏՄ երկրների միջև կչեղարկվի 2025-ին 5 փետրվարի 2021 - 13:45 AMT PanARMENIAN.Net - Ռոումինգը Եվրասիական տնտեսական միության (ԵԱՏՄ) շրջանակում նախատեսվում է չեղարկել 2025 թվականին։ Այդ մասին տեղեկացրել է Եվրասիական տնտեսական հանձնաժողովի մրցակցության և հակամենաշնորհային կարգավորման նախարար Արման Շակկալիևը, գրում է «Ռոսիյսկայա գազետան»։ «Արդար սակագինը, այսինքն` «ինչպես տանը» սակագինը, միության շրջանակում ազատ շփման հիմք է, կարևոր պայման աշխատանքային ռեսուրսների տեղաշարժի, ձեռներեցների համար։ Ասենք, ՌԴ-ից Ղազախստան եք մեկնում, և ձեզ մոտ պահպանվում է ռուսական սակագինը՝ դա շփման ազատություն է բոլոր առումներով»,-ասել է Շակկալիևը։ Նա հավելել է, որ «տնային և ռոումինգային սակագների հավասարեցումն օբյեկտիվ միտում է, որը հարկավոր է կյանքի կոչել ԵԱՏՄ 5 երկրի համար։ Նախարարը նաև կարևորել է fair play-ի կիրառումը «Արդար սակագնի» կիրառման պարագայում։ «Ղրղզստանի քաղաքացին չի կարող մշտապես տնային սակագնից օգտվել՝ ապրելով և աշխատելով ՌԴ-ում։ Մենք ժամանակային սահմանափակում կկիրառենք՝ 1 ամիս։ Եթե խախտում ես ժամկետը՝ գնիր ռուսական քարտ, դա տրամաբանական է։ Եվ, անշուշտ, հարկավոր է լուծել տեխնոլոգիական հարցերը։ Մենք ծրագրում ենք այնպիսի պայմաններ ստեղծել, որ 2025-ին, հյուրընկալվելիս, զգանք մեզ ինչպես տանը»,-ասել է նախարարը։ Կապի ծառայությունների արժեքի նվազումը ռոումինգում աստիճանական է լինելու և ըստ հաստատված ժամանակացույցի։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
