Գվինեայում էբոլայի համաճարակ է սկսվել![]() 15 փետրվարի 2021 - 11:14 AMT PanARMENIAN.Net - Գվինեայի առողջապահության նախարարությունը հայտարարել է, որ երկրում էբոլայի համաճարակ է սկսվել։ Վարակը բռնկվել է հարավ-արևմուտքում՝ Գուեկե շրջանում։ Ըստ իշխանությունների՝ 2016-ից հետո առաջին անգամ երկրում այդ հիվանդությունից մահվան 4 դեպք է գրանցվել, գրում է ՌԻԱ Նովոստին։ «Իրավիճակով պայմանավորված և ըստ միջազգային սանիտարաբժշկական կանոնների՝ Գվինեայի կառավարությունը հայտարարում է համաճարակի մասին»,- ասվում է վարչապետի աշխատակազմի հայտարարության մեջ։ Իշխանությունները հորդորել են մեկուսացնել էբոլայի կասկածով բոլոր անձանց, ինչպես նաև ակտիվացնել հիվանդության արձագանքման տեխնիկական և համակարգող հանձնաժողովի աշխատանքը։ Բացի այդ, Գուեկեում կենտրոն կբացվի, որն աշխատելու է հիվանդների հետ։ Նախատեսվում է նաև արագացնել պատվաստանյութերի գնումը ԱՀԿ միջոցով։ Էբոլայի հեմորագիկ տենդը համանուն վիրուսով վարակման արդյունքում առաջացող հիվանդություն է, որի պատճառով մահացության մակարդակը հասնում է 90 տոկոսի: Տենդի ինկուբացիոն շրջանը 2-21 օր է: Հիվանդությունն ընթանում է ուժեղ գլխացավով, ընդհանուր հոգնածությամբ, լուծով, երիկամների ու լյարդի գործառույթների խախտմամբ, մկաններում և որովայնի հատվածում, ինչպես նաև թոքերի ցավերով և ուժեղ հազով: Սովորաբար մահը վրա է հասնում երկրորդ շաբաթում արյունահոսությունից և շոկից: Էբոլայի վիրուսը փոխանցվում է վարակակիր մարդու արյան, արտաթորանքի, այլ հեղուկների ու օրգանների հետ անմիջական շփման արդյունքում: Photo: Cellou Binani/AFP via Getty Images ![]() ![]() Հոկտեմբերի լույս 2–ի գիշերն Իրանն Իսրայելի ուղղությամբ ավելի քան 400 բալիստիկ հրթիռ է արձակել Հանիան ներկա էր Փեզեշքիանի երդմնակալությանը Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ ![]() ![]() ![]() | ![]() ![]() ![]() ![]() ![]() ![]() ![]() ![]() |