Gallup. ՀՀ քաղաքացիների մոտ 44%-ը պահանջում է Փաշինյանի հրաժարականը, մոտ 39%-ը՝ ոչ19 փետրվարի 2021 - 17:44 AMT PanARMENIAN.Net - Հայաստանի բնակիչների 43.6%-ը ցանկանում է, որ վարչապետ Նիկոլ Փաշինյանը հրաժարական տա, 38.8%-ը՝ որ նա մնա մինչև պաշտոնավարման ժամկետի ավարտը։ Այս մասին ասվում է Gallup International Association-ի հայկական ներկայացուցչության զեկույցում, փոխանցում է Newsarmenia.am-ը: Հետազոտությունն անցկացվել է 2021-ի փետրվարի 15-17-ը՝ հեռախոսազանգի միջոցով: ՀՀ ամբողջ տարածքից հարցմանը մասնակցել է 801 մարդ: Ուսումնասիրության հնարավոր շեղումը կազմում է +-3.5%: Փաշինյանը նաև ամենառեյտինգային քաղաքական գործիչն է ՀՀ-ում, 1-5 միավորանոց գնահատման համակարգում նրա ռեյտինգը 2.8 է, վարչապետին հաջորդում է նախագահ Արմեն Սարգսյանը (2.3), ապա «Բարգավաճ Հայաստանի» առաջնորդ Գագիկ Ծառուկյանը (2.2), երկրորդ նախագահ Ռոբերտ Քոչարյանը (2), հնգյակը եզրափակում է «Լուսավոր Հայաստան» խմբակցության ղեկավար Էդմոն Մարուքյանը (1.8): Փաշինյանը կհավաքեր հարցմանը մասնակցածների 33%-ի ձայները՝ հնարավոր ընտրությունների դեպքում, «Իմ քայլի» օգտին քվեարկելու պատրաստակամություն է հայտնել հարցվածների 33.1%-ը: 27.2%-ը ոչ ոքի օգտին չէր քվեարկի, ԲՀԿ-ի օգտին կքվեարկեր հարցվածների 4.4%-ը, ԼՀԿ-ի` 2.6%-ը: Հարցմանը մասնակցած ամեն երրորդ քաղաքացին նախկին իշխանություններին մեղադրում է Արցախյան պատերազմում պարտվելու մեջ, Փաշինյանին մեղադրում է 28.8%-ը: Արցախում 44-օրյա պատերազմից ու դրան հաջոդրած իրադարձություններից հետո Հայաստանում ընդդիմադիրները պահանջում են Փաշինյանի հրաժարականը: Ավելի վաղ վարչապետը հայտնել էր արտահերթ ընտրությունների կազմակերպման պատրաստակամության մասին, հետո իշխանությունից հայտնել էին, որ չկա դրա հանրային պահանջը: Ընդդիմությունը ցանկանում էր արտահերթի գնալ միայն Փաշինյանի հրաժարականից հետո: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա Ակբա բանկը պարտատոմսեր է տեղաբաշխում Պարտատոմսերի շրջանառության ժամկետը 30 ամիս է |