 Պեսկով․ Քոչարյանը ՌԴ-ին բարեկամ քաղգործիչ է 4 մարտի 2021 - 16:23 AMT PanARMENIAN.Net - ՌԴ նախագահ Վլադիմիր Պուտինի մամուլի քարտուղար Դմիտրի Պեսկովը ՀՀ երկրորդ նախագահ Ռոբերտ Քոչարյանին Ռուսաստանին բարեկամ քաղաքական գործիչ է անվանել՝ անհեթեթ համարելով գաղափարը, թե ՀՀ քաղաքական կյանքին մասնակցելու իր գործողությունները վերջինս Մոսկվայի հետ է համաձայնեցնում։ «Հայաստանում քաղաքական գործընթացի մասնակիցները կարիք չունեն համաձայնեցնելու իրենց որոշումները Ռուսաստանի նախագահի հետ: Սա հարցի անհեթեթ ձևակերպում է: Ռոբերտ Սեդրակովիչը, իհարկե, Ռուսաստանի մեծ բարեկամն է: Նա համոզված է, որ Հայաստանի համար օգտակար կլինի հետագայում ևս զարգացնել ու խորացնել ՌԴ հետ համագործակցությունը։ Նա մի մարդ է, որը մեծ ջանքեր է գործադրել իր երկրի զարգացման համար, և մենք, ընդհանուր առմամբ, գոհունակությամբ փաստում ենք, որ ՀՀ քաղաքական գործիչների ճնշող մեծամասնությունը ՌԴ հետ հարաբերությունների առավել ամրապնդման կողմնակիցներ են: Սա է մեզ համար գլխավորը»,- ասել է Պեսկովը, գրում է ՌԻԱ Նովոստին։ Խոսնակը հավելել է, որ այդպիսի քաղաքական գործիչների շարքին է դասում նաև ՀՀ գործող վարչապետ Նիկոլ Փաշինյանին։ «Մենք առաջնորդվում ենք նրա համապատասխան հայտարարություններով։ Դուք գիտեք, որ իր և ՌԴ նախագաի միջև շատ ակտիվ երկխոսություն է ընթանում։ Գիտեք՝ ինչ լարված աշխատանք է նախորդել եռակողմ փաստաթղթի ստորագրմանը, որը վերջ դրեց պատերազմին Ղարաբաղում։ Ուստի, այդ հարաբերությունները ևս, իրոք, շատ արժեքավոր են»,- ասել է Պեսկովը։ Քոչարյանը ռուսական ԶԼՄ-ներին տված հարցազրույցում ասել է, որ չի պատրաստվում իր կուսակցությունը ստեղծել։ «Երևի կլինեն քաղաքական կուսակցություններ, որոնք կհամագործակցեն ինձ հետ հավանական ընտրությունների ժամանակ»,-ասել է նա։ Photo. TASS   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր ՔԿ. ԱՆ-ում և բուժհաստատություններից մեկում սկսված քննչական և վարութային գործողությունները դեռ շարունակվում են  Հայտնի չէ, թե ինչ գործի շրջանակներում են իրականացվում գործողությունները և որ բժշկական կենտրոնումԼավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ ենՊետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղելԱՆ–ից հերքել են լուրերը, թե պետպատվերը հիվանդանոցներում սպառվել է 43 միջոցառումներից/ենթամիջոցառուներից 2-ն է իրականացվում հերթագրման սկզբունքով |
