Նախարար․ ՀՔԾ-ն կլուծարվի 18 մարտի 2021 - 17:59 AMT PanARMENIAN.Net - Հատուկ քննչական ծառայությունը կլուծարվի, «Հատուկ քննչական ծառայության մասին» օրենքն ուժը կորցրած կճանաչվի։ Այդ մասին արդարադատության նախարար Ռուստամ Բադասյանը հայտնել է ԱԺ պետաիրավական հարցերի մշտական հանձնաժողովի նիստում՝ ներկայացնելով «Հակակոռուպցիոն կոմիտեի մասին» և հարակից օրենքներում փոփոխություն կատարելու մասին օրենսդրական փաթեթը։ Ըստ Բադասյանի` որոշվել է սահմանել առանձին ծառայության տեսակ՝ ծառայություն հակակոռուպցիոն կոմիտեում: «Մինչև Հակակոռուպցիոն կոմիտեի քննիչների թափուր տեղերի համալրումը, հատուկ քննչական ծառայության քննիչները ժամանակավոր կնշանակվեն կոմիտեի քննիչներ։ Նրանք 20-ն են լինելու»,- ասել է նախարարը: Բադասյանը նշել է նաև, որ նոր խմբագրմամբ, Հակակոռուպցիոն կոմիտեի նախագահին մրցութային խորհրդի ներկայացրած երեք թեկնածուի շրջանակից կնշանակի կառավարությունը, այլ ոչ թե վարչապետը՝ ինչպես նշված էր նախնական տարբերակում: Կառավարությունն ընդունել է նաև «Լուսավոր Հայաստան» խմբակցության բոլոր առաջարկները: Օրենսդրական փաթեթը դրական եզրակացություն է ստացել։ Հակակոռուպցիոն կոմիտեն ստեղծվում է կոռուպցիոն հանցագործությունների քննությունը մեկ մարմնի կողմից իրականացնելու նպատակով։ Այժմ այդպիսի գործերը քննվում են ՀՀ քննչական կոմիտեի, ՀՀ հատուկ քննչական ծառայության, ՀՀ ազգային անվտանգության կողմից:   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
