 Փաշինյան․ՍՈւ 30-ների վերաբերյալ ասածներս իրար չեն հակասում 24 մարտի 2021 - 18:52 AMT PanARMENIAN.Net - Վարչապետ Նիկոլ Փաշինյանը, ԱԺ ամբիոնից անդրադառնալով Սու-30ՍՄ կործանիչների կիրառման հարցին, ասել է, որ այն, ինչ ասել է Օհանավան գյուղում, և այն, ինչ նախկինում հայտարարել է ինքնաթիռների վերաբերյալ, իրար չեն հակասում։ «Սու-30 ինքնաթիռները Հայաստան են եկել 2020-ի մայիսին, և այո՛, իրականացրել են վարժական թռիչքներ, և օգտագործել են հրթիռներ, որոնք նախկինում Հայաստանի զինանոցում արդեն իսկ եղած են եղել։ Կոնկրետ ռազմական իրավիճակում դրանց օգտագործման կամ չօգտագործման վերաբերյալ որոշումները կայացվել են ըստ այդմ, թե եղած սպառազինությունն ինչքանով է հնարավորություն տալիս, որպեսզի այդ ինքնաթիռները կատարեն իրենց առջև դրված մարտական խնդիրները», - ասել է վարչապետը, տեղեկացնում է Aysor.am-ը։ Նա հավելել է, որ պատերազմի ընթացքում ՀՀ-ն չէր հասցրել ձեռք բերել այն անհրաժեշտ «բոլոր աքսեսուարները, հրթիռները, որոնք հնարավորություն կտային Սու-30 գերժամանակակից զենքը կիրառել իր նշանակությամբ և հզորությամբ»։ Փաշինյանն Արագածոտնի մարզում Օհանավանի բնակիչների հետ հանդիպման ժամանակ հայտնել էր, որ գնված Սու-30 ՍՄ կործանիչները հրթիռներ չունեն՝ նշելով, որ չեն հասցրել գնել մինչև պատերազմը։ Ավելի վաղ ՀՀ ՊՆ ռազմական վերահսկողության ծառայության նախկին պետ Մովսես Հակոբյանը հայտարարել էր, որ Սու-30 ՍՄ կործանիչները չեն օգտագործվել պատերազմի ժամանակ, քանի որ հրթիռներ չունեն, դրանք չեն գնվել ինքնաթիռների հետ։ ՊՆ-ն հերքել էր այդ պնդումը։ Փաշինյանի մամուլի ծառայությունը ևս անհիմն էր համարել Հակոբյանի մեղադրանքները։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Բաժիններ թեմայով Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
