 ԱԳՆ․ Տեղյակ չենք Անկարայի հետ որևէ խորհրդակցությունների ձևաչափից 29 մարտի 2021 - 13:30 AMT PanARMENIAN.Net - Արտաքին գործերի նախարարությունը տեղյակ չէ որևէ ձևաչափի մասին, որում կարող են պաշտոնական Անկարայի հետ խորհրդակցություններ լինել, հայտարարել է նախարար Արա Այվազյանը։ Նա հիշեցրել է, որ հայ-թուրքական հարաբերությունների կարգավորման վերջին գործընթացը Ցյուրիխյանն է եղել, ու այն կասեցվել է Թուրքիայի կողմից։ Նախարարը նշել է, որ խաղաղությունն ու հաշտեցումը միայն գեղեցիկ բառեր չեն ու տարածաշրջանում իրապես խաղաղություն ունենալու համար հայկական կողմն ակնկալում է, որ Թուրքիան «լուրջ, արմատական փոփոխությունների կենթարկի ՀՀ-ի հանդեպ իր ագրեսիվ քաղաքականությունը և կվերացնի թշնամական գործողությունները»: «Պատմության մեջ շատ են եղել դեպքեր, երբ երկար ժամանակ ծանր ողբերգական անցյալ ունեցող երկրները, ի վերջո, գտել են քաղաքական կամք և հասկացել բարիդրացիական հարաբերություններ ձևավորելու անհրաժեշտությունը։ Հուսով եմ, որ Թուրքիան այդ գիտակցմանը, վաղ թե ուշ, կգա։ Այնպես որ, չեմ կարծում, որ Թուրքիան երբեք չի փոխի հայատյացության իր կեցվածքը», - ասել է նախարարը։ Այվազյանը պատասխանել է ԲՀԿ խմբակցության պատգամավոր Արման Աբովյանի հարցին՝ մանրամասնելով հայ-թուրքական հարաբերությունների վերաբերյալ քննարկումների ու դիտարկումների արտաքին գերատեսչության մոտեցումը։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
