 Քաղաքապետ․ Կապան-Երևան ճանապարհին ադրբեջանցիները քար են նետել հայկական մեքենայի վրա 6 ապրիլի 2021 - 16:58 AMT PanARMENIAN.Net - Ադրբեջանցի զինվորակաները քարեր են նետել Կապանից Երևան շարժվող մեքենայի վրա, հայտնել է Կապանի քաղաքապետ Գևորգ Փարսյանը, փոխանցում է ArmDaily.am-ը։ «Դեպքը տեղի է ունեցել Կապանից գնալուց՝ Դավիթ Բեկ-Շուռնուխ ճանապարհի հատվածում։ Այն հատվածում, որը որ գտնվում է ռուս սահմանապահների վերահսկողության տիրույթում։ Դիրքավորված հատվածից ադրբեջանցիները քար են նետել ճանապարհի ուղղությամբ՝ մեքենայի վրա»,-ասել է Փարսյանը։ Կապանի քաղաքապետը նշել է, որ քարը չի դիպել մեքենային, այն չի վնասվել, սակայն ուղևորները վախեցել են։ Փարսյանը նշել է, որ ռուս սահմանապահները տեղեկացվել են միջադեպի մասին, «համապատասխան գործողություններ կատարել են և ավելի զգոն են իրականացնում իրենց ծառայությունը»։ 44-օրյա պատերազմից հետո նոյեմբերի 10-ի համաձայնագրով հայկական կողմը որոշ զիջումների է գնացել Արցախում, ունեցել տարածքային կորուստներ։ Զիջումներ եղել են նաև ներկայիս ՀՀ տարածքների որոշ հատվածներում՝ ըստ ԽՍՀՄ քարտեզի, որով այժմյան Սյունիքի ու Գեղարքունիքի մարզերից հողակտորներ են մնացել ադրբեջանական կողմում։ Կապան-Երևան ճանապարհի մի հատվածը ևս անցնում է ադրբեջանական կողմի վերահսկողության տակ անցած հատվածով․ այդտեղ տեղակայված են ռուս սահմանապահներ։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
